កូរ៉េក្លាយ​ជាដៃគូអភិវឌ្ឍន៍ជាមួ​យកម្ពុជានៅលំ​ដាប់ទី៣បន្ទាប់ពី​ចិននិងជប៉ុន

ថ្លែងនៅក្នុងសន្និសីទសារព័ត៌មានស្តីអំពីលទ្ធផលនៃដំណើរទស្សនកិច្ចផ្លូវការនៅសាធារណរដ្ឋកូរ៉េរបស់សម្តេចធិបតី ហ៊ុន ម៉ាណែត​​នារាត្រីថ្ងៃទី១៨ ខែឧសភា​ឆ្នាំ២០២៤នេះលោកតាន់ហ្សង់ហ្វ្រង់ស័ររដ្ឋមន្ត្រីប្រតិភូអមនាយករដ្ឋមន្ត្រីក្នុងរយៈពេល២៧ឆ្នាំចុងក្រោយនេះកូរ៉េខាងត្បូងបានផ្តល់ជំនួយអភិវឌ្ឍន៍ជាច្រើនដល់កម្ពុជា រហូតទាល់តែសាធារណរដ្ឋកូរ៉េ បានក្លាយជាដៃគូអភិវឌ្ឍន៍ជាមួយកម្ពុជាលំដាប់ទី៣បន្ទាប់ពីប្រទេសចិន និងជប៉ុន។ ជាមួយគ្នានោះសាធារណរដ្ឋកូរ៉េ ក៏កំពុងក្លាយជាដៃគូសេដ្ឋកិច្ច ពាណិជ្ជកម្មសំខាន់ឡើងជាលំដាប់​​របស់ប្រទេសកម្ពុជា។

លោកតាន់ហ្សង់ហ្វ្រង់ស័របានបញ្ជាក់ថាទំហំពាណិជ្ជកម្មកូរ៉េខាងត្បូង-កម្ពុជា កើនដល់៧៥០លានដុល្លារ។ចំពោះការវិនិយោគផ្ទាល់ពីសាធារណរដ្ឋកូរ៉េនៅកម្ពុជា​ មានជាង៥ពាន់លានដុ​​ល្លារ គិតមកដល់ពេលបច្ចុប្បន្ននេះ។លោកបានបន្តថានៅកម្ពុជា មានក្រុមហ៊ុនកូរ៉េខាងត្បូងជាង៣០០ ខណៈដែលកូរ៉េខាងត្បូងមានពលករខ្មែរបម្រើរការនៅទីនោះជាង៥ម៉ឺននាក់។គួររម្លឹកផងដែរថាសាធារណរដ្ឋកូរ៉និងកម្ពុជាមានទំនាក់ទំនងការទូតតាំងពីឆ្នាំ១៩៩៧មក៕AKP