ប្រទេ​​សប៉ូឡូញ​បាន​ចំណាយ​ប្រាក់​ចំ​​នួន២.៥ពាន់​លានដុល្លារដើម្បីប​ង្កើត​"ខែលភាគ​ខា​ងកើត"ដែលមា​នព្រំប្រទ​ល់ជាប់ប្រទេសរុស្ស៊ីនិង​បេឡារុស្ស

កាលពីថ្ងៃទី១៨ខែឧសភានាយករដ្ឋមន្ត្រីប៉ូឡូញ លោក Donald Tusk បានប្រកាសថាលោកនឹងចំណាយប្រាក់ជាង២.៣ពាន់លានអឺរ៉ូ(២.៥ពាន់លានដុល្លារអាមេរិក)ដើម្បីពង្រឹងព្រំដែនភាគខាងកើតរបស់លោកដែលជាព្រំប្រទល់ខាងកើតនៃសហភាពអឺរ៉ុប(EU)ផងដែរ។នាយករដ្ឋមន្ត្រីប៉ូឡូញលោក Donald Tusk បានប្រកាសកាលពីថ្ងៃទី១៨ ខែឧសភាថា "យើងបានសម្រេចចិត្តវិនិយោគ១០ពាន់លានzlotyប៉ូឡូញ(២.៣ពាន់លានអឺរ៉ូ)សម្រាប់សន្តិសុខរបស់យើងនិងសំខាន់ជាងនេះទៅទៀតដើម្បីការពារព្រំដែនភាគខាងកើតរបស់យើង"។នេះបើតាមទីភ្នាក់ងារព័ត៌មាន AFP ។

នាយករដ្ឋមន្ត្រីប៉ូឡូញ Donald Tusk ក្នុងរូបថតដែលថតនៅទីក្រុង Warsaw ប្រទេសប៉ូឡូញកាលពីថ្ងៃទី ១៥ ខែមេសា។រូបថត៖ REUTERS

តំបន់ព្រំដែនភាគខាងកើតនៃប្រទេសប៉ូឡូញមានព្រំប្រទល់ជាប់ប្រទេសបេឡារុស្ស(សម្ព័ន្ធមិត្តរបស់រុស្ស៊ី) អ៊ុយក្រែន និងតំបន់ Kaliningrad (ទឹកដីក្រៅប្រទេសរបស់រុស្ស៊ី)។ជាមួយនឹងផែនការខាងលើ ប្រទេសនឹងសាងសង់កំពែងថ្មីរបង ដាំព្រៃពិសេស... តាមព្រំដែនដីគោក ៤០០គីឡូម៉ែត្រ។លោក Donald Tusk បានពន្យល់ថា "ការបង្រួបបង្រួមព្រំដែនប្រវែង៤០០គីឡូម៉ែត្រជាមួយរុស្ស៊ីនិងបេឡារុស្ស នឹងក្លាយជាការរារាំងមួយហើយជាយុទ្ធសាស្ត្រមួយដើម្បីវាយលុកសង្គ្រាមនៅតាមព្រំដែនរបស់យើង"។មេដឹកនាំប៉ូឡូញបាននិយាយថា ប្រទេសចង់ឱ្យតំបន់ព្រំដែនរបស់ខ្លួន"មានសុវត្ថិភាពក្នុងសន្តិភាពនិងមិនអាចឆ្លងកាត់បានក្នុងសម័យសង្គ្រាម"។ចាប់តាំងពីជម្លោះរុស្ស៊ី-អ៊ុយក្រែនបានផ្ទុះឡើងក្នុងខែកុម្ភៈឆ្នាំ២០២២ប៉ូឡូញបានគាំទ្រយ៉ាងសកម្មចំពោះទីក្រុងគៀវ។ ប៉ូឡូញ​ក៏​ជា​ចំណុច​ឆ្លងកាត់​សម្រាប់​សព្វាវុធ​ដែល​ផ្គត់ផ្គង់​ដល់​អ៊ុយក្រែន​ដោយ​សម្ព័ន្ធមិត្ត​លោកខាងលិច។ប្រទេសប៉ូឡូញបានធ្វើទំនើបកម្មយោធារបស់ខ្លួន និងបង្កើនការចំណាយលើវិស័យការពារជាតិដល់ទៅ៤% នៃផលិតផលក្នុងស្រុកសរុប(GDP)ក្នុងចំណោមប្រទេសខ្ពស់បំផុតនៅក្នុងសហភាពអឺរ៉ុប។ប្រទេស​នេះ​ក៏​បាន​ទិញ​សម្ភារៈ​យោធា​ដែល​មាន​តម្លៃ​រាប់​ពាន់​លាន​ដុល្លារ​ផង​ដែរ។ដែល​ភាគច្រើន​ពី​អាមេរិកនិង​កូរ៉េខាងត្បូង។ផែនការរបស់ប្រទេសប៉ូឡូញក្នុងការពង្រឹងព្រំដែនរបស់ខ្លួនត្រូវបានធ្វើឡើងក្នុងបរិបទដែលរលកនៃការធ្វើចំណាកស្រុកខុសច្បាប់ពីប្រទេសបេឡារុស្សមិនត្រូវបានបញ្ឈប់ទាំងស្រុងដោយរបងដែលរដ្ឋាភិបាលរបស់ប្រទេសនេះបានសាងសង់ក្នុងឆ្នាំ២០២២៕ពុតសាម៉ាត់