លោកZele​nskyនិយាយអំពីស្ថានភា​​​ពKharkovរុស្ស៊ីបានព្រមា​នពីការពង្រីកតំបន់​ការពារស​ន្តិសុខ

 លោកZelenskyបាននិយាយថាការវាយប្រហាររបស់រុស្ស៊ីនៅទីក្រុង Kharkovនឹងក្លាយជាការចាប់ផ្តើមនៃយុទ្ធនាការទ្រង់ទ្រាយធំមួយ។រុស្ស៊ី​ព្រមាន​ពង្រីក​តំបន់​ការពារ​សន្តិសុខ​នៅ​អ៊ុយក្រែន​ដល់​ព្រំដែន​ប៉ូឡូញ។

យោងតាម​​Pravda កាលពីថ្ងៃទី១៧ខែឧសភា ប្រធានាធិបតី Volodymyr Zelenskyបានធ្វើអត្ថាធិប្បាយអំពីស្ថានភាពនៅក្នុងតំបន់Kharkov ។ ជាពិសេសមេដឹកនាំអ៊ុយក្រែនបានព្យាករណ៍ថាការវាយប្រហាររបស់រុស្ស៊ីអាចជាការចាប់ផ្តើមនៃយុទ្ធនាការទ្រង់ទ្រាយធំ។"ស្ថានការណ៍នៅ Kharkov ស្ថិតនៅក្រោមការគ្រប់គ្រង។ប៉ុន្តែមិនទាន់មានស្ថិរភាពទាំងស្រុងនៅឡើយ។ សត្រូវបានរុលទៅមុខចម្ងាយ៥-១០km តាមបណ្តោយព្រំដែនភាគឦសានមុនពេលត្រូវបានបញ្ឈប់ដោយកងកម្លាំងអ៊ុយក្រែន។យុទ្ធនាការវាយលុករបស់រុស្ស៊ីអាចរួមបញ្ចូលដំណាក់កាលជាច្រើនដំណាក់កាលដំបូងគឺនៅ Kharkov"។ Zelesnky បាននិយាយ។

 ប្រធានាធិបតី Volodymyr Zelensky។Reuters

យោងតាមលោក Zelensky ផងដែរការគ្រប់គ្រងទាំងស្រុងនៃទីក្រុង Kharkov គឺជាគោលដៅកំពូលរបស់រុស្ស៊ី។ទោះជាយ៉ាងណាក៏ដោយ ទីក្រុងម៉ូស្គូយល់ថានេះគឺជា"បញ្ហាលំបាក"ពីព្រោះតំបន់ដ៏ធំនៃទីក្រុងនេះនឹងអនុញ្ញាតឱ្យក្រុងគៀវការពារបានយូរអង្វែង។លោក Zelensky បានសង្កត់ធ្ងន់ថា"យើងត្រូវតែប្រុងប្រយ័ត្នគូប្រជែងរបស់យើងកំពុងផ្លាស់ទីកាន់តែជ្រៅទៅក្នុងទឹកដីរបស់យើង។ ប្រធានាធិបតី Zelensky បាននិយាយថា បច្ចុប្បន្នគៀវមានអាវុធការពារដែនអាកាសត្រឹមតែ២៥% ប៉ុណ្ណោះដែលត្រូវការដើម្បីការពារពីសម្ពាធរបស់រុស្ស៊ី។ លើសពីនេះ លោក Zelenskyក៏បានត្អូញត្អែរអំពីលោកខាងលិចមិនអនុញ្ញាតឱ្យអ៊ុយក្រែនវាយឆ្មក់គោលដៅនៅក្នុងទឹកដីរុស្ស៊ី។លោក Zelensky បានបន្ថែមថា "សត្រូវអាចបាញ់អាវុធណាមួយចូលទៅក្នុងទឹកដីអ៊ុយក្រែននោះគឺជាអត្ថប្រយោជន៍ដ៏ធំបំផុតរបស់ពួកគេ" ។

រុស្ស៊ី​ព្រមាន​ពង្រីក​តំបន់​ការពារ​សន្តិសុខ

លោកDmitryMedvedev។TASS

យោងតាមសារព័ត៌មានNewsweekកាលពីថ្ងៃទី១៧ឧសភាអនុប្រធានក្រុមប្រឹក្សាសន្តិសុខរុស្ស៊ីលោកDmitryMedvedevបានព្រមានអំពីលទ្ធភាពនៃការពង្រីកតំបន់ការពារសន្តិសុខនៅអ៊ុយក្រែនទៅកាន់ព្រំដែនប៉ូឡូញ ប្រសិនបើលោកខាងលិចបន្តផ្តល់ជំនួយសព្វាវុធដល់ក្រុងគៀវ។លោក Medvedevបាននិយាយថា "ដើម្បីធានាបាននូវជីវិតសន្តិភាព យើងនឹងត្រូវបង្កើតតំបន់ការពារសន្តិសុខដែលអ៊ុយក្រែននឹងមិនអាចវាយប្រហារលើគោលដៅនានានៅលើទឹកដីរុស្ស៊ី។ប្រាកដណាស់ នេះរាប់បញ្ចូលទាំងដែនដីទាំង៤ដែលបានបញ្ចូលថ្មី"។យោងតាមមន្ត្រីរុស្ស៊ី លោកខាងលិចបានផ្ទេរទៅឱ្យគៀវ Storm Shadow/SCALP-EG ដែលមានរយៈចម្ងាយឆ្ងាយជាង៥០០គីឡូម៉ែត្រ។ ចម្ងាយពីទីក្រុង Belgorodទៅគៀវគឺ៤២៩គីឡូម៉ែត្រ។ដូច្នេះរុស្ស៊ីនឹងត្រូវបង្កើតតំបន់ការពារសន្តិសុខ៧០-១០០kmឬធំជាងចម្ងាយនោះ។លោក Medvedev បាននិយាយថា"ប្រសិនបើលោកខាងលិចនៅតែផ្គត់ផ្គង់ដល់អ៊ុយក្រែននូវមីស៊ីលរយៈចម្ងាយឆ្ងាយតំបន់ការពារសន្តិសុខនឹងពង្រីកទៅព្រំដែនប៉ូឡូញ ឬលើសពីនេះទៅទៀត។ប្រសិនបើវាមិនធ្វើដូច្នេះទេតំបន់រុស្ស៊ីជាច្រើននឹងមិនត្រូវបានការពារឡើយ"លោកបាននិយាយ៕ពុតសាម៉ាត់