បារាំងច​រចា'កា​រដកទ័​ពមួយផ្នែក'​ជា​មួយនី​​ហ្សេ

 ប្រភពពីក្រសួងការពារជាតិបារាំងបាននិយាយថាប្រទេសនេះកំពុងចរចាជាមួយនីហ្សេអំពី"ការដកកងកម្លាំងមួយផ្នែក" ចេញពីប្រទេសអាហ្វ្រិកខាងលិច។AFP បាន​ដក​ស្រង់​ប្រភព​ពី​ក្រសួង​ការពារ​ជាតិ​បារាំង​ដែល​និយាយ​នៅ​ថ្ងៃ​នេះ​ថា​៖«ដំណើរការ​ពិភាក្សា​លើ​ការ​ដក​សមាសធាតុ​យោធា​មួយ​ចំនួន​បាន​ចាប់​ផ្តើម​ហើយ»។ប្រភពស្និទ្ធនឹងរដ្ឋមន្ត្រីការពារជាតិបារាំង Sebastien Lecornu ក៏បានបញ្ជាក់ដែរថាការចរចារវាងកងកម្លាំងនៃប្រទេសនេះ និងនីហ្សេស្តីពី "ការផ្លាស់ប្តូរធនធានយោធាបារាំង" កំពុងប្រព្រឹត្តទៅ។ ប្រភព​មិន​បាន​បង្ហាញ​ពី​ទម្រង់ ខ្នាត ឬ​ពេលវេលា​ជាក់លាក់​នោះ​ទេ។

កងកម្លាំង​សន្តិសុខ​នីហ្សេបាន​បង្កើត​របាំង​ការពារ ខណៈ​ក្រុម​បាតុករ​បាន​ប្រមូល​ផ្តុំ​គ្នា​នៅ​មុខ​មូលដ្ឋាន​យោធា​បារាំង​ក្នុង​ក្រុង Niamey កាល​ពី​ថ្ងៃ​ទី ២៥ ខែ​សីហា។ រូបថត៖ AFP

ចំណាត់ការនេះបានធ្វើឡើងក្នុងបរិបទដែលទាហានបារាំងនៅនីហ្សេត្រូវបាន "អចល័ត"បន្ទាប់ពីសកម្មភាពសហប្រតិបត្តិការប្រឆាំងភេរវកម្មត្រូវបានផ្អាកនៅដើមខែសីហា។បារាំង​រក្សា​ទាហាន​ប្រហែល ១.៥០០ នាក់​នៅ​ប្រទេស​នីហ្សេ ដើម្បី​គាំទ្រ​រដ្ឋាភិបាល​របស់​ប្រធានាធិបតី Mohamed Bazoum ក្នុងការ​ប្រយុទ្ធ​ប្រឆាំង​នឹង​ក្រុម​ជ្រុលនិយម​អ៊ីស្លាម។ ទំនាក់ទំនងទ្វេភាគីបានធ្លាក់ចុះបន្ទាប់ពីរដ្ឋប្រហារយោធាបានផ្តួលរំលំលោក Bazoum នៅចុងខែកក្កដា។ ប្រទេសបារាំងបានប្រកាសការគាំទ្ររបស់ខ្លួនចំពោះប្រធានាធិបតីដែលត្រូវបានបណ្តេញចេញ ដោយបដិសេធមិនទទួលស្គាល់របបយោធា។រដ្ឋាភិបាលយោធានីហ្សេកាលពីថ្ងៃទី៣ ខែសីហា បានលុបចោលកិច្ចព្រមព្រៀងយោធាជាមួយបារាំងប្រកាសបណ្តេញឯកអគ្គរដ្ឋទូតបារាំង Sylvain Itte និងដកអភ័យឯកសិទ្ធិការទូត។ បារាំង​បដិសេធ​មិន​ធ្វើ​តាម​សំណើ​នេះ​ទេ ដោយ​និយាយ​ថា រដ្ឋបាល​បច្ចុប្បន្ន​មិន​មាន​អំណាច​ផ្លូវ​ច្បាប់​ក្នុង​ការ​បណ្តេញ​ឯកអគ្គរដ្ឋទូត​ចេញ​ទេ។នាយករដ្ឋមន្ត្រីនីហ្សេAli Mahaman Lamine Zeine ដែលត្រូវបានតែងតាំងដោយរបបយោធាកាលពីថ្ងៃទី៤ខែកញ្ញាបាននិយាយថា "ការទំនាក់ទំនង"ទាក់ទងនឹងការចាកចេញរបស់ទាហានបារាំង "យ៉ាងឆាប់រហ័ស" កំពុងប្រព្រឹត្តទៅ។ លោក Zeine ក៏បានសម្តែងក្តីសង្ឃឹមថា"រក្សាកិច្ចសហប្រតិបត្តិការប្រសិនបើអាចធ្វើទៅបានជាមួយប្រទេសដែលភាគីទាំង២មានទំនាក់ទំនងដូចគ្នា" ។កងកម្លាំង​បារាំង​ក្នុង​ប្រទេស​នីហ្សេភាគច្រើន​ឈរជើង​នៅ​មូលដ្ឋាន​ក្បែរ​ទីក្រុង Niamey។ ថ្មីៗនេះ ជនជាតិនីហ្សេបានប្រមូលផ្តុំគ្នានៅជិតមូលដ្ឋាន ដើម្បីទាមទារឱ្យមានការដកទ័ពបារាំងចេញពីប្រទេស។ យោង​តាម​ប្រភព​យោធា កិច្ច​ព្រម​ព្រៀង​មួយ​ក្នុង​ចំណោម​កិច្ច​ព្រម​ព្រៀង​នោះ​មាន​បទ​ប្បញ្ញត្តិ​សម្រាប់​ការ​ជូន​ដំណឹង​១ខែ៕ប្រភពAFP, Le Monde