លោកTrum​pបា​នទាមទារសំណ​ងសម្រាប់គណបក្សសាធា​រណរដ្ឋបន្ទាប់ពីលោ​កBidenបានដ​កខ្លួនចេញ

ដោយ៖ពុតសាម៉ាត់

អតីតប្រធានាធិបតីTrumpបាននិយាយថាគណបក្សសាធារណរដ្ឋចាំបាច់ត្រូវផ្តល់សំណងសម្រាប់"ទង្វើក្លែងបន្លំ"របស់គណបក្សប្រជាធិបតេយ្យ បន្ទាប់ពីលោក Biden បានដកខ្លួនចេញ។

យោងតាមសារព័ត៌មាន Newsweek កាលពីថ្ងៃទី២២ខែកក្កដា លោក DonaldTrumpបានស្នើសុំឱ្យ"ផ្តល់សំណង"សម្រាប់ធនធានដែលគណបក្សសាធារណរដ្ឋបានចំណាយក្នុងយុទ្ធនាការបោះឆ្នោតដើម្បីប្រឈមមុខនឹងប្រធានាធិបតីអាមេរិក Joe Biden ។"យើងបានចំណាយប្រាក់និងពេលវេលាជាច្រើនដើម្បីប្រយុទ្ធជាមួយប្រធានាធិបតីBiden។ប៉ុន្តែគាត់បានបោះបង់បន្ទាប់ពីលទ្ធផលការជជែកដេញដោលមិនល្អ។ឥឡូវនេះយើងត្រូវចាប់ផ្តើមពីដំបូង។ជាក់ស្តែង គណបក្សយើងត្រូវការសំណងសម្រាប់អាកប្បកិរិយាបោកប្រាស់របស់គណបក្សប្រជាធិបតេយ្យ។ ហើយ​ការ​ផ្សព្វផ្សាយ​ព័ត៌មាន​ក្លែងក្លាយ ពួកគេ​ទាំងអស់​បាន​ដឹង​ថាលោក Biden មិន​មាន​សមត្ថភាព​ក្នុង​ការប្រជែង»។ក្រៅ​ពី​អតីត​ប្រធានាធិបតី​អាមេរិក សមាជិក​សភា​គណបក្ស​សាធារណរដ្ឋ​ជាច្រើន​ក៏​ជឿ​ថា​គណបក្ស​ប្រជាធិបតេយ្យ​មាន​ចេតនា​បិទបាំង​សុខភាព​របស់​លោក​ប្រធានាធិបតី Biden ដែល​កំពុង​ធ្លាក់​ចុះ​ពី​សាធារណជន។ប្រធានសភាអាមេរិកបាននិយាយថា"គណបក្សប្រជាធិបតេយ្យបានរារាំងអ្វីដែលប្រជាជនត្រូវដឹងសភាត្រូវការស៊ើបអង្កេតរឿងនេះ។ លោកច្បាស់ណាស់ថាមិនមែនជា Joe Biden កាលពី៤ឆ្នាំមុន លោកមិនអាចឈរឈ្មោះបានទៀតទេ" លោក Mike Johnson បាននិយាយ។ដោយយល់ស្របជាមួយលោកJohnsonប្រធានគណៈកម្មាធិការសភាសាធារណៈរដ្ឋ លោក Richard Hudson បាននិយាយចេញ និងចោទប្រកាន់គណបក្សប្រជាធិបតេយ្យថាបានបោកបញ្ឆោតប្រជាជនអាមេរិក។"គណបក្សប្រជាធិបតេយ្យដឹងថាលោកBidenមិនសមដើម្បីឈរឈ្មោះ។ប៉ុន្តែពួកគេបិទបាំងវា។ប្រសិនបើលោកBidenមិនមានសុខភាពគ្រប់គ្រាន់ដើម្បីឈរឈ្មោះទេនោះលោកមិនមានសុខភាពគ្រប់គ្រាន់ដើម្បីធ្វើការសម្រាប់អាណត្តិប្រធានាធិបតីដែលនៅសល់។ លោក Hudson បានសង្កត់ធ្ងន់។កាលពីថ្ងៃទី២១ខែកក្កដា ប្រធានាធិបតី Biden បានប្រកាសពីការផ្អាកយុទ្ធនាការបោះឆ្នោត ដោយបញ្ជាក់ថា នេះគឺជាការសម្រេចចិត្ត "ក្នុងផលប្រយោជន៍ល្អបំផុតរបស់អាមេរិក"។ អនុប្រធានាធិបតីKamalaHarrisបច្ចុប្បន្នត្រូវបានគេចាត់ទុកថាជាបេក្ខជននាំមុខគេរបស់គណបក្សប្រជាធិបតេយ្យដើម្បីជំនួសលោក Biden៕