សហ​​ភាព​អឺរ៉ុប​មិន​ផ្ទេរ​ប្រា​ក់​​ទៅ​ឲ្យ​រុស្ស៊ី​ទេសូម្បី​​តែ​ពេ​ល​ដក​ទណ្ឌកម្ម​ក៏​​ដោយ

 យោងតាមសេចក្តីសម្រេចរបស់ក្រុមប្រឹក្សាអឺរ៉ុបសហភាពអឺរ៉ុប(EU) នឹងមិនផ្ទេរប្រាក់ចំណូលពីទ្រព្យសម្បត្តិដែលជាប់គាំងរបស់រុស្ស៊ីនៅក្រៅប្រទេសទៅកាន់ទីក្រុងម៉ូស្គូឡើយ។បើទោះបីជាទណ្ឌកម្មត្រូវបានដកចេញក៏ដោយ។

ទីភ្នាក់ងារសារព័ត៌មានTassបានដកស្រង់សេចក្តីសម្រេចដែលបានចេញផ្សាយនៅក្នុង Official Journal of the EU ជាការសរសេរថា៖ «ប្រាក់ចំណូលដែលប្រមូលបានដោយសារការហាមឃាត់របស់ EU លើប្រតិបត្តិការហិរញ្ញវត្ថុជាមួយរុស្ស៊ីនឹងមិនត្រូវបានផ្ទេរទៅឱ្យធនាគារកណ្តាល ធនាគារកណ្តាលរុស្ស៊ី តាមបទប្បញ្ញត្តិបច្ចុប្បន្ន។ ទោះបីជាការហាមឃាត់ការជួញដូរត្រូវបានបញ្ចប់ក៏ដោយ។ដូច្នេះវាមិនមែនជាកម្មសិទ្ធិអធិបតេយ្យនិងបទប្បញ្ញត្តិនៃការការពារទ្រព្យសម្បត្តិអធិបតេយ្យ មិនអនុវត្តចំពោះប្រាក់ចំណូលដូចខាងលើ”។យោងតាម ​​NPR សហភាពអឺរ៉ុបគ្រោងនឹងប្រើប្រាស់ប្រាក់ចំនេញចំនួន៣.២៥ពាន់លានដុល្លារពីទ្រព្យសម្បត្តិអធិបតេយ្យភាពរបស់រុស្ស៊ីដែលត្រូវបានជាប់គាំងដោយសារតែការដាក់ទណ្ឌកម្មលើទីក្រុងម៉ូស្គូដើម្បីផ្តល់មូលនិធិដល់អ៊ុយក្រែន និងយោធា។លោក Jan Lipavsky រដ្ឋ​មន្ត្រី​ការ​បរទេស​ឆេក​បាន​ថ្លែង​ថា៖ «រុស្ស៊ី​ត្រូវ​តែ​ចំណាយ​លើ​ការ​ខូច​ខាត​ដែល​បង្ក​ឡើង​ដោយ​ជម្លោះ។ កាលពីថ្ងៃទី២០ឧសភាសហភាពអឺរ៉ុបបានអនុម័តការផ្ញើប្រាក់ទៅប្រទេសអ៊ុយក្រែនជិត២ខែបន្ទាប់ពីបានឈានដល់កិច្ចព្រមព្រៀងស្តីពីការប្រើប្រាស់ប្រាក់ពីរាប់រយពាន់លានដុល្លារនៃទ្រព្យសម្បត្តិរបស់រុស្ស៊ីដែលជាប់គាំងនៅបរទេស។ក្រុមG7បង្កកទ្រព្យសម្បត្តិហិរញ្ញវត្ថុរុស្ស៊ីប្រហែល៣០០ពាន់លានដុល្លារបន្ទាប់ពីរុស្ស៊ីបានចាប់ផ្តើមយុទ្ធនាការយោធាពិសេសនៅអ៊ុយក្រែនក្នុងខែកុម្ភៈ ឆ្នាំ២០២២។ សហភាពអឺរ៉ុបរំពឹងថាទ្រព្យសម្បត្តិទាំងនេះនឹងនាំមកនូវប្រាក់ចំណេញពី១៦ទៅ២១ពាន់លានដុល្លារនៅឆ្នាំ២០២៧។អ្នកនាំពាក្យវិមានក្រឹមឡាំង លោក DmitryPeskovបាននិយាយថាប្រទេសរុស្ស៊ីនឹងពិចារណាការរឹបអូសយកប្រាក់ចំណេញពីទ្រព្យសម្បត្តិដែលជាប់គាំងរបស់ខ្លួននៅក្នុងសហភាពអឺរ៉ុបថាជាការរំលោភលើច្បាប់ទាំងអស់នៃប្រព័ន្ធសេដ្ឋកិច្ចពិភពលោក។តំណាងអចិន្ត្រៃយ៍របស់រុស្ស៊ីប្រចាំនៅសហភាពអឺរ៉ុប លោក Kirill Logvinov បានប្រាប់ប្រព័ន្ធផ្សព្វផ្សាយថាសហភាពអឺរ៉ុប "មិនយូរមិនឆាប់ នឹងត្រូវត្រឡប់ទៅរុស្ស៊ីវិញ"នូវអ្វីដែលខ្លួនបានធ្វើ៕ពុតសាម៉ាត់