ព្រិលធ្លាក់ក្នុង​ខែ​ឧសភានៅ​ទីក្រុងម៉ូស្គូតើ​មា​នអ្វីកើតឡើង?

 សីតុណ្ហភាពជាមធ្យមនៅទីក្រុងម៉ូស្គូរបស់រុស្ស៊ីនៅថ្ងៃទី៩ខែឧសភាគឺ១.៧ អង្សាសេដែលជា"ត្រជាក់បំផុតនៅថ្ងៃទី៩ខែឧសភាចាប់តាំងពីឆ្នាំ១៩៧២" ។ទោះ​ជា​ខែ​ឧសភា​ក៏​ដោយ ប្រជាជន​ក្រុង​ម៉ូស្គូ​នៅ​តែ​ឃើញ​ព្រិល​ធ្លាក់។

មនុស្ស​ម្នា​ឆ្លង​កាត់​ផ្លូវ​ចំ​ពេល​មាន​ព្រិល​ធ្លាក់​ក្នុង​ទីក្រុង​ម៉ូស្គូប្រទេស​រុស្ស៊ី កាល​ពី​ថ្ងៃ​ទី៨ខែ​ឧសភា។រូបភាព៖ XINHUA

យោងតាមRTរបស់រុស្ស៊ីកាលពីថ្ងៃទី១១ឧសភានាយកវិទ្យាសាស្ត្រនៃមជ្ឈមណ្ឌលឧតុនិយមរុស្សីRoman Vilfandបានចង្អុលបង្ហាញថា ការធ្លាក់ព្រិលកាលពីថ្ងៃទី៩ឧសភាគឺជាព្រិលធ្លាក់ដំបូងគេដែលមិនធ្លាប់មានក្នុងថ្ងៃនេះនៃឆ្នាំនេះនៅក្នុងរដ្ឋធានីម៉ូស្គូ។លោក Roman Vilfand បាននិយាយថាព្រិលធ្លាក់មានកំរាស់ពី១ទៅ៥សង់ទីម៉ែត្រនៅតំបន់ផ្សេងៗនៃទីក្រុងម៉ូស្គូនៅព្រឹកថ្ងៃទី៩ឧសភាខណៈដែលប្រទេសនេះបានរៀបចំសម្រាប់ព្យុហយាត្រាយោធាដើម្បីរំលឹកខួបលើកទី៧៩នៃជ័យជំនះក្នុងសង្គ្រាមស្នេហាជាតិដ៏អស្ចារ្យ៩- ឧសភា ១៩៤៥ - ៩ឧសភា២០២៤) នៅលើទីលានក្រហម។អ្នក​ឧតុនិយម​រូប​នេះ​បាន​កត់​សម្គាល់​ថា វា​ជា​ថ្ងៃ​ត្រជាក់​ខ្លាំង​ដែល​អាកាសធាតុ​ស្មើ​នឹង​ថ្ងៃ​ទី ២៦ ខែ​មីនា (ពោល​គឺ១ ខែ​កន្លះ​មុន)»។អ្នកជំនាញTatyanaPozdnykovaនៅទីភ្នាក់ងារព័ត៌មានអាកាសធាតុMeteonovostiបាននិយាយថាសីតុណ្ហភាពជាមធ្យមនៅទីក្រុងម៉ូស្គូនៅថ្ងៃទី៩ខែឧសភាគឺ១.៧អង្សាសេ"ត្រជាក់បំផុតនៅថ្ងៃទី៩ខែឧសភាចាប់តាំងពីឆ្នាំ១៩៧២"។មួយថ្ងៃមុននេះរូបថតជាច្រើនសន្លឹកដែលថតនៅទីក្រុងម៉ូស្គូ បានបង្ហាញឱ្យឃើញអ្នកថ្មើរជើងដើរក្នុងព្រិលពណ៌ស។បន្ទាប់ពីត្រជាក់ពេលព្រឹកសីតុណ្ហភាពបានកើនឡើងដល់៦អង្សាសេនៅពេលរសៀល ហើយព្រិលបានរលាយ។ ទោះយ៉ាងណាក៏ដោយ សីតុណ្ហភាពជាមធ្យមនៅថ្ងៃនោះនៅតែទាបជាងធម្មតា។គេហទំព័រ Gismeteoបាននិយាយកាលពីសប្តាហ៍មុនថាត្រជាក់នៅក្នុងរដ្ឋធានីម៉ូស្គូត្រូវបានកត់ត្រាបន្ទាប់ពីខែមេសាក្តៅបំផុតក្នុងរយៈពេល២៣ ឆ្នាំ។ សីតុណ្ហភាពជាមធ្យមកាលពីខែមុនគឺ១០.៩ អង្សាសេ ខ្ពស់ជាងធម្មតា៥ អង្សាសេ។ យោងទៅតាម Gismeteo កាលពីថ្ងៃទី២ខែមេសា ឃើញថាមានកំដៅ២៣.២អង្សាសេនៅទីនេះ។យោងតាម ​​VNA ព្រិលនិងទឹកកកមិនធម្មតាក៏បានបំផ្លាញដំណាំនៅក្នុងខេត្តកសិកម្មជាច្រើននៃប្រទេសរុស្ស៊ីផងដែរ។អាកាសធាតុត្រជាក់និងព្រិលខុសពីធម្មតានៅដើមខែឧសភា បានគំរាមកំហែងបាត់បង់ដំណាំស្រូវសាលី ពោត ស្ករស និងដំណាំផ្សេងៗទៀតនៅក្នុងខេត្ត Voronezh, Tula, Tambov និង Lipetskរបស់ប្រទេសរុស្ស៊ី។ភាពត្រជាក់បានកើតឡើងនៅពេលដែលវាលដំណាំទំហំ២,០០០ហិកតារបស់ក្រុមហ៊ុន Manino Joint Stock Company នៅ Voronezh កំពុងរង់ចាំគ្រាប់ពូជដើម្បីដុះពន្លកសម្រាប់ដំណាំថ្មី។ សីតុណ្ហភាពបានធ្លាក់ចុះដល់ដក៨ អង្សាសេ អគ្គនាយក Manino លោក Sergei Tribunsky បាននិយាយថាដំណាំរដូវរងា ផ្កាឈូករ័ត្ន ស្រូវសាលីរដូវរងា ពោត ធញ្ញជាតិទាំងអស់បានងាប់។ វាត្រូវបានគេប៉ាន់ស្មានថាក្រុមហ៊ុនបានបាត់បង់ប្រហែល៨០លានរូប្លិ៍ (ជិត ៩០០,០០០ដុល្លារ) ។កាលពីថ្ងៃទី៧ខែឧសភា អភិបាលរងខេត្ត VoronezhលោកViktorLoginovត្រូវប្រកាសរបបសង្គ្រោះបន្ទាន់។ លើបណ្តាញ Telegram របស់រដ្ឋាភិបាលខេត្ត Voronezh បានរាយការណ៍ថាសីតុណ្ហភាពខ្យល់នៅក្នុងតំបន់នេះបានធ្លាក់ចុះដល់ក្រោមសូន្យនៅថ្ងៃទី៤និង៥ខែឧសភា។ យោងតាមព័ត៌មានដំបូង ដំណាំរបស់ខេត្តចំនួន២៦៥,០០០ ហិកតាត្រូវបានងាប់ ឬខូចខាត។

បម្រែ​បំ​រួល​អាកាសធាតុ

យោងតាមVoxសីតុណ្ហភាពកាន់តែក្តៅនៅជុំវិញពិភពលោកកំពុងនាំមកនូវភ្លៀងកាន់តែច្រើននិងព្រិលធ្លាក់តិច។ប៉ុន្តែទោះបីជាព្រិលទាំងមូលបានថយចុះក៏ដោយក៏ព្យុះព្រិលខ្លាំងបានកើនឡើងនៅកន្លែងខ្លះ។ មានភ័ស្តុតាងមួយចំនួនដែលបង្ហាញថាការប្រែប្រួលអាកាសធាតុកំពុងនាំទៅរកភាពត្រជាក់ខ្លាំងជាងនៅកន្លែងនានាដូចជារដ្ឋតិចសាស់និងកាលីហ្វ័រញ៉ា (សហរដ្ឋអាមេរិក)ដែលហេដ្ឋារចនាសម្ព័ន្ធជាធម្មតានៅនេះមិនត្រូវបានសាងសង់ឡើងដើម្បីគ្រប់គ្រងព្រិលនិងទឹកកក៕ពុតសាម៉ាត់