សហភាព​អឺរ៉ុបមិនយល់ស្រប​លើកញ្ចប់ជំនួយអាវុធ​ចំនួន៧ពាន់​លានដុល្លារសម្រាប់អ៊ុ​យក្រែន

មន្ត្រីគោលនយោបាយការបរទេសរបស់សហភាពអឺរ៉ុប(EU) លោក Josep Borrellបាននិយាយថាប្លុកនេះមិនទាន់ឈានដល់ការឯកភាពគ្នាលើកញ្ចប់ជំនួយយោធាចំនួន៧ពាន់លានដុល្លារសម្រាប់អ៊ុយក្រែននៅឡើយទេ។

មន្ត្រីគោលនយោបាយការបរទេសរបស់សហភាពអឺរ៉ុប(EU) លោក Josep Borrell។

យោងតាមRTលោកBorrellបានបង្ហាញព័ត៌មានខាងលើនៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃទី២៨ខែឧសភា បន្ទាប់ពីកិច្ចប្រជុំសប្តាហ៍នេះនៃរដ្ឋមន្ត្រីការបរទេសនិងការពារជាតិរបស់សហភាពអឺរ៉ុបដែលផ្តោតលើជម្លោះរុស្ស៊ី-អ៊ុយក្រែន។លោក Borrell បានកត់សម្គាល់ថាមានច្បាប់ចំនួន៧ដែលត្រូវអនុម័តដើម្បីប្រមូលជំនួយយោធារាប់ពាន់លានដុល្លារពីមូលនិធិគាំទ្រអ៊ុយក្រែន។“នេះ​មិន​អាច​ធ្វើ​ទៅ​បាន​ប៉ុន្មាន​រយៈ​ពេល​នេះ​ទេ ព្រោះ​មិន​មាន​កិច្ច​ព្រម​ព្រៀង​សម្រាប់​ការ​មូល​មតិ​ជា​ចាំ​បាច់។អ្នកដឹងទេថាយើងត្រូវការការឯកភាពគ្នា ដែលមិនមានអស់រយៈពេលជាច្រើនខែ»។តំណាងជាន់ខ្ពស់របស់សហភាពអឺរ៉ុបទទួលបន្ទុកគោលនយោបាយការបរទេសនិងសន្តិសុខបានពន្យល់។យោងតាមទស្សនាវដ្ដីPoliticoអ្នកការទូតសហភាពអឺរ៉ុបបានសង្ឃឹមថានឹងមានកញ្ចប់ជំនួយថ្មីមួយដែលត្រៀមរួចជាស្រេចមុនពេលកិច្ចប្រជុំនៅសប្តាហ៍នេះនៅទីក្រុងប្រ៊ុចសែល។ប៉ុន្តែវាមិនបានកើតឡើងដោយសារតែការប្រឆាំងពីប្រទេសហុងគ្រី។ទីក្រុងBudapestតែងតែរិះគន់យ៉ាងខ្លាំងចំពោះការគាំទ្រគ្មានដែនកំណត់របស់បស្ចិមប្រទេសសម្រាប់អ៊ុយក្រែន ហើយបានបដិសេធមិនផ្តល់ជំនួយយោធាណាមួយដល់ទីក្រុងគៀវដោយផ្ទាល់ឬតាមរយៈសហភាពអឺរ៉ុប។មន្ត្រីហុងគ្រីបានអំពាវនាវម្តងហើយម្តងទៀតឱ្យមានបទឈប់បាញ់ដោយលើកឡើងពីការដាក់ទណ្ឌកម្មរបស់សម្ព័ន្ធមិត្តប្រឆាំងនឹងរុស្ស៊ីថាមិនបានធ្វើឱ្យសេដ្ឋកិច្ចរបស់ប្រទេសចុះខ្សោយទេ ។ប៉ុន្តែផ្ទុយទៅវិញជាការប្រឆាំងសម្រាប់ប្លុកនេះ។រដ្ឋមន្ត្រីការបរទេសហុងគ្រី លោក Peter Szijjarto បានបញ្ជាក់កាលពីថ្ងៃទី ២៧ឧសភាថា ទីក្រុង Budapest ប្តេជ្ញាទប់ស្កាត់កញ្ចប់ជំនួយយោធាចំនួន ៧ពាន់លានដុល្លារសម្រាប់អ៊ុយក្រែន បើទោះបីជាមាន "សម្លេងរំខាន" ក្នុងចំណោមរដ្ឋមន្ត្រីការបរទេសសហភាពអឺរ៉ុបក៏ដោយ។យោងតាមលោក Borrellបានឱ្យដឹងថាផែនការរបស់សហភាពអឺរ៉ុបក្នុងការប្រើប្រាស់ប្រាក់ចំណេញពីទ្រព្យសម្បត្តិដែលជាប់គាំងរបស់រុស្ស៊ីដើម្បីទិញអាវុធឱ្យអ៊ុយក្រែននាពេលថ្មីៗនេះ ក៏ត្រូវបានជាប់គាំងដោយសារតែការប្រឆាំងពីទីក្រុង Budapest។ នេះបើយោងតាមលោក Borrell ។ទិន្នន័យដែលបានចេញផ្សាយនៅលើគេហទំព័ររបស់គណៈកម្មការអឺរ៉ុបបង្ហាញថា ចាប់តាំងពីជម្លោះរុស្ស៊ី-អ៊ុយក្រែនបានផ្ទុះឡើងនៅចុងខែកុម្ភៈ ឆ្នាំ ២០២២សហភាពអឺរ៉ុបនិងប្រទេសជាសមាជិកបានគៀងគរជំនួយយោធាជិត៣៥ពាន់លានដុល្លារដល់ទីក្រុងគៀវ៕ពុតសាម៉ាត់