រថយន្ត​អគ្គិស​នី​​របស់​​ចិន​មាន​ចំ​​ណែ​ក​ទីផ្សារ​អាមេ​រិ​ក​តែ​១%ហេតុអ្វី​លោ​ក​​Bidenដាក់​ពន្ធ​លើ​សពី១០​០%?

នៅក្នុងត្រីមាសទី១នៃឆ្នាំ២០២៤ក្រុមហ៊ុនផលិតរថយន្តចិនតែមួយគត់បាននាំចេញរថយន្តអគ្គិសនីទៅកាន់សហរដ្ឋអាមេរិកហើយវាមានចំណែកទីផ្សារតិចជាង១%។

ប្រធានាធិបតី Joe Biden ដំឡើងពន្ធលើយានជំនិះអគ្គិសនី និងទំនិញចិនផ្សេងទៀត នៅពេលអាមេរិកចូលដល់រដូវបោះឆ្នោត។ រូបថត៖ NIKKEI/REUTERS, AFP

ដូច្នេះហេតុអ្វីបានជាលោកBidenតឹងតែងខ្លាំងលើរថយន្តអគ្គិសនីរបស់ចិន?កាលពីថ្ងៃទី១៤ ខែឧសភា រដ្ឋបាលរបស់លោកប្រធានាធិបតី JoeBidenបានប្រកាសពន្ធថ្មីលើរថយន្តអគ្គិសនីដែលផលិតនៅប្រទេសចិន ដោយបង្កើនចំនួន៤ដងនៃពន្ធបច្ចុប្បន្នពី២៧.៥% ទៅ១០២.៥% ក៏ដូចជាការដាក់ពន្ធថ្មីលើបន្ទះស្រូបពន្លឺព្រះអាទិត្យដែកនិងអាលុយមីញ៉ូម។ពន្ធថ្មីនឹងប៉ះពាល់ដល់១៨ពាន់លានដុល្លារលើទំនិញនាំចូលពីប្រទេសចិន។យោងតាមទស្សនាវដ្ដីTimeប្រទេសចិនបច្ចុប្បន្ននាំចេញរថយន្តអគ្គិសនីតិចតួចបំផុតទៅកាន់សហរដ្ឋអាមេរិក។ដូច្នេះវាមិនទំនងថាពន្ធថ្មីនឹងមានផលប៉ះពាល់ច្រើនក្នុងរយៈពេលខ្លីនោះទេ។ នៅក្នុងត្រីមាសទី១នៃឆ្នាំ២០២៤ ក្រុមហ៊ុនផលិតរថយន្តចិនតែមួយគត់គឺGeelyបាននាំចេញរថយន្តអគ្គិសនីទៅកាន់សហរដ្ឋអាមេរិកហើយវាមានចំណែកទីផ្សារតិចជាង១%។ទោះជាយ៉ាងណាក៏ដោយ រដ្ឋបាល Biden បានពន្យល់ថាវាមានការព្រួយបារម្ភថា ក្នុងរយៈពេលវែងការឧបត្ថម្ភធនរបស់ទីក្រុងប៉េកាំងសម្រាប់ឧស្សាហកម្មរថយន្តអគ្គិសនីអាចជួយឱ្យប្រទេសចិនទទួលបានចំណែកទីផ្សារធំជាងមុន។រដ្ឋមន្ត្រីក្រសួងរតនាគារសហរដ្ឋអាមេរិកJanetYellenបាននិយាយនៅក្នុងសុន្ទរកថារបស់លោកស្រីថា"នៅពេលដែលទីផ្សារពិភពលោកត្រូវបានជន់លិចដោយផលិតផលចិនដែលមានតំលៃថោកសិប្បនិម្មិតលទ្ធភាពជោគជ័យរបស់ក្រុមហ៊ុនអាមេរិកនិងក្រុមហ៊ុនបរទេសផ្សេងទៀតត្រូវបានចោទជាសំណួរ" ។ចាប់តាំងពីចូលកាន់តំណែងមក លោកប្រធានាធិបតី Joe Biden បានរក្សាការយកពន្ធដែលរដ្ឋបាលរបស់អតីតប្រធានាធិបតី Donald Trump បានដាក់លើទំនិញរបស់ចិន។នេះ​គឺ​ជា​ផ្នែក​មួយ​នៃ​កិច្ច​ខិត​ខំ​ប្រឹង​ប្រែង​ដើម្បី​លើក​ទឹក​ចិត្ត​ដល់​ការ​ផលិត​បន្ថែម​ទៀត​នៅ​អាមេរិក។កាលពីដើមសប្តាហ៍នេះ លោក Lael Brainard នាយកក្រុមប្រឹក្សាសេដ្ឋកិច្ចជាតិរបស់សហរដ្ឋអាមេរិកបាននិយាយថា ពន្ធគយនេះ នឹងជួយដល់កម្មករកម្មការនីនៅរដ្ឋ Pennsylvania និង Michiganដោយធានាថា"ការវិនិយោគជាប្រវត្តិសាស្ត្រនៅក្នុងការងារដែលជំរុញដោយប្រធានាធិបតីBidenនឹងមិនរងផលប៉ះពាល់ដោយការលិចលង់នៃការនាំចេញតម្លៃទាបដោយអយុត្តិធម៌នោះទេពី​ប្រទេស​ចិន»។អ្នកសង្កេតការណ៍មួយចំនួនជឿថាពន្ធគយខាងលើរបស់រដ្ឋបាលលោក Bidenក៏ជាកិច្ចខិតខំប្រឹងប្រែងមួយដើម្បីបន្តនាំមុខបេក្ខជនប្រធានាធិបតីនៃគណបក្សសាធារណរដ្ឋលោកDonaldTrumpដែលបានសម្តែងការគាំទ្រចំពោះការដំឡើងពន្ធ៦០%ឬច្រើនជាងនេះលើទំនិញចិនទាំងអស់។រដ្ឋបាលលោកBidenបានប្រកាសពីការដំឡើងពន្ធយ៉ាងមុតមាំលើទំនិញរបស់ចិននៅក្នុងឆ្នាំនៃការបោះឆ្នោតប្រធានាធិបតីអាមេរិក ដែលជាពេលដែលភាពតានតឹងមានកម្រិតខ្ពស់រវាងសហរដ្ឋអាមេរិក និងចិនផងដែរ។យោងតាមការស្ទង់មតិដែលធ្វើឡើងដោយមជ្ឈមណ្ឌលស្រាវជ្រាវ Pew ក្នុងឆ្នាំ២០២៣ប្រជាជនអាមេរិកជាង៨៣% មានទស្សនៈមិនអំណោយផលចំពោះប្រទេសចិន។

តើចិននិយាយអ្វីខ្លះ?

កាលពីថ្ងៃទី១៤ខែឧសភាក្រសួងពាណិជ្ជកម្មចិនបាននិយាយថា ទីក្រុងប៉េកាំងប្រឆាំងយ៉ាងខ្លាំងចំពោះការដែលអាមេរិកដំឡើងពន្ធលើទំនិញរបស់ចិនហើយបានប្តេជ្ញាចាត់វិធានការយ៉ាងម៉ឺងម៉ាត់ដើម្បីការពារសិទ្ធិរបស់ខ្លួន។"ការដំឡើងពន្ធរបស់សហរដ្ឋអាមេរិកក្រោមផ្នែកទី៣០១រំលោភលើការប្តេជ្ញាចិត្តរបស់ប្រធានាធិបតីBidenក្នុងការ'មិនស្វែងរកការគាបសង្កត់ និងរារាំងការអភិវឌ្ឍន៍របស់ប្រទេសចិន'និង'មិនស្វែងរកការបំបែក និងផ្តាច់ទំនាក់ទំនងជាមួយប្រទេសចិន។ក្រសួងបាននិយាយថា ការផ្លាស់ប្តូររបស់សហរដ្ឋអាមេរិកនឹងប៉ះពាល់យ៉ាងធ្ងន់ធ្ងរដល់បរិយាកាសនៃកិច្ចសហប្រតិបត្តិការទ្វេភាគី”៕ពុតសាម៉ាត់