សម្ដេចធិបតីហ៊ុនម៉ាណែតនាយករដ្ឋមន្ត្រីនៃកម្ពុជាក្នុងសារលិខិតទិវាជាតិអាហារូបត្ថម្ភលើកទី១០បានលើកឡើងថាស្ថិតក្នុងបរិបទដែលប្រទេសមួយចំនួនក្នុងពិភពលោកបាននិងកំពុងប្រឈមនឹងបញ្ហាអសន្តិសុខស្បៀង និងការប្រែប្រួលអាកាសធាតុកម្ពុជាមិនត្រឹមតែអាចបញ្ចៀសបាននូវវិបត្តិស្បៀងអាហារប៉ុណ្ណោះទេ។ប៉ុន្តែថែមទាំងបានចាប់យកឱកាសនេះ ដើម្បីពង្រឹងប្រព័ន្ធស្បៀងតាមរយៈការដាក់ចេញវិធានការជាបន្តបន្ទាប់ ដើម្បីផលិតនិងផ្គត់ផ្គង់ផលិតផលកសិកម្មនិងស្បៀងអាហារប្រកបដោយគុណភាពនិងសុវត្ថិភាពទៅទីផ្សារក្នុងតំបន់និងពិភពលោកទៀតផង ជាពិសេសស្រូវអង្ករ។
 |
|
សម្ដេចធិបតីបានថ្លែងបន្ថែមថាដោយឈរលើមូលដ្ឋានសន្តិភាព និងស្ថិរភាពដ៏រឹងមាំព្រមទាំងការប្តេជ្ញាចិត្តខ្ពស់នោះរាជរដ្ឋាភិបាលមានជំនឿយ៉ាងមុតមាំថានឹងអាចឈានទៅសម្រេចបាននូវចក្ខុវិស័យ ស្តីពីប្រព័ន្ធស្បៀងឆ្នាំ២០៣០។ទន្ទឹមនឹងនេះ រាជរដ្ឋាភិបាលនឹងបន្តខិតខំពង្រឹងកិច្ចសហប្រតិបត្តិការជាមួយបណ្តាប្រទេសនានា អង្គការសហប្រជាជាតិ ដៃគូអភិវឌ្ឍ អង្គការសង្គមស៊ីវិល និងវិស័យឯកជន ដើម្បីលើកកម្ពស់ប្រព័ន្ធស្បៀងឱ្យកាន់តែមានភាពរឹងមាំ ធន់នឹងវិបត្តិនានា និងជួយកាត់បន្ថយផលប៉ះពាល់ទៅលើបរិស្ថាន។ពាក់ព័ន្ធដល់ដំណើរការនៃការពង្រឹងប្រព័ន្ធស្បៀងក្នុងបរិបទនៃការប្រែប្រួលអាកាសធាតុ ក្នុងនីតិកាលទី៧នៃរដ្ឋសភា រាជរដ្ឋាភិបាលបានដាក់ចេញនូវយុទ្ធសាស្ត្របញ្ចកោណដំណាក់ កាលទី១ សម្រាប់ឆ្នាំ ២០២៣-២០២៨ដោយកំណត់គោលដៅ គោលនយោបាយយុទ្ធសាស្តវិធានការនិងផែនការសកម្មភាពជាច្រើនសំដៅទី១៖គឺការសម្រាលនូវផលប៉ះពាល់ទៅលើអាកាសធាតុដោយកាត់បន្ថយការបំភាយឧស្ម័នផ្ទះកញ្ចក់ តាមរយៈការជំរុញ ឱ្យប្រព័ន្ធ ស្បៀងឆ្ពោះទៅរកការអភិវឌ្ឍបៃតង និងការលើកកម្ពស់ ឥណទានបៃតង ទីផ្សារកាបូនជាដើមនិងទី២៖គឺការសម្របតាមការប្រែប្រួលអាកាសធាតុដោយផ្អែកលើមូលដ្ឋាននៃការកាត់បន្ថយភាពងាយរងគ្រោះពីឥទ្ធិពលនៃការប្រែប្រួលអាកាសធាតុ ជាអាទិ៍ តាមរយៈការជំរុញ ការវិនិយោគសាធារណៈដែលមានភាពធន់ពង្រឹងប្រព័ន្ធប្រកាសអាសន្នជាមុន ខិតខំប្រើប្រាស់ មធ្យោបាយសរុប កម្លាំងសរុប និងវិធានការសរុប ដើម្បីការពារអាយុជីវិតសុវត្ថិភាព សុខភាព និងផ្តល់ស្បៀងអាហារសង្គ្រោះបន្ទាន់ជូនប្រជាពលរដ្ឋដូចដែលរាជរដ្ឋាភិបាលបាននិងកំពុងយកចិត្តទុកដាក់អនុវត្តជាប្រចាំស្រាប់ ដោយឈរលើគោលការណ៍គ្មានប្រជាជនណាម្នាក់ ដែលជួបទុក្ខលំបាកនិងគ្មានលទ្ធភាពដោះស្រាយ ហើយរាជរដ្ឋាភិបាលមិនបានជួយដោះស្រាយនោះឡើយ៕ប្រភពSTPM
/unnamed.png
Post a Comment