សមា​ជិ​ក​សភា​Mike Johnsonត្រូវបាន​ជ្រើសរើ​​សជាប្រធានស​ភា​​តំណាងរាស្រ្ត

សមាជិកសភាមកពីគណបក្សសាធារណរដ្ឋ លោក Mike Johnson តំណាងឱ្យរដ្ឋ Louisiana ត្រូវបានជ្រើសរើសជាប្រធានសភាទី៥៦ នៃសភាតំណាងសហរដ្ឋអាមេរិក។យោងតាមទីភ្នាក់ងារសារព័ត៌មាន TASS លទ្ធផលរាប់សន្លឹកឆ្នោតនៅព្រឹកព្រលឹមថ្ងៃទី២៦ខែតុលា (ម៉ោងនៅកម្ពុជា) បានបង្ហាញថាលោក Johnson (អាយុ៥១ ឆ្នាំ) ទទួលបានសម្លេងគាំទ្រចំនួន២២០ដែលលើសពីកម្រិតចាំបាច់នៃ២១៧សម្លេងដើម្បីជាប់ឆ្នោតជាប្រធានសភា។សភាតំណាងរាស្រ្តអាមេរិក ខណៈបេក្ខជន Hakeem Jeffries ទទួលបានតែ២០៩ សម្លេងប៉ុណ្ណោះ ដោយចាញ់៣សម្លេងបើធៀបនឹងជុំមុនៗជាមួយបេក្ខជនមកពីគណបក្សសាធារណរដ្ឋផ្សេងទៀត។លោក Johnson បច្ចុប្បន្នជាអនុប្រធានសន្និសីទសាធារណៈរដ្ឋក្នុងសភាតំណាងរាស្រ្ត និងជាបុគ្គលទី៤ដែលត្រូវបានតែងតាំងដោយគណបក្សសាធារណរដ្ឋសម្រាប់តំណែងប្រធានសភាតំណាងបន្ទាប់ពីលោក Kevin McCarthy ត្រូវបានបណ្តេញចេញពីតំណែងកាលពីថ្ងៃទី៣ខែតុលា។

លោក Mike Johnson ។AP

លោកជាសមាជិកសភាតំណាងរាស្រ្តអាមេរិកតាំងពីឆ្នាំ២០១៦ហើយបច្ចុប្បន្នកំពុងកាន់តំណែងអាណត្តិទី៤។ លោកត្រូវបានគាំទ្រយ៉ាងក្លៀវក្លាដោយអតីតប្រធានាធិបតី Donald Trump ក្នុងការប្រជែងដើម្បីក្លាយជាប្រធានសភា។មុន​នោះលោក​ជាអ្នក​ជំនាញ​ខាង​បញ្ហា​រដ្ឋធម្មនុញ្ញហើយ​ក៏​ស្និទ្ធ​នឹង​អតីត​ប្រធានាធិបតីTrump។ លោកធ្លាប់បានប្រមូលផ្តុំសមាជិកបក្សដើម្បីគាំទ្រកិច្ចខិតខំប្រឹងប្រែងផ្នែកច្បាប់របស់លោកTrumpដើម្បីលុបចោលលទ្ធផលបោះឆ្នោតឆ្នាំ២០២០៕ពុតសាម៉ាត់