យន្ត​ហោះ​ចម្បាំងអាមេ​រិកនិងកូរ៉េខាងត្បូង១​៣០គ្រឿង​ធ្វើសមយុទ្ធខ្លាំងៗ​នៅឧ​បទ្វីបកូរ៉េ

 សហរដ្ឋអាមេរិកនិងកូរ៉េខាងត្បូងនៅថ្ងៃទី៣០ខែតុលាបានចាប់ផ្តើមធ្វើសមយុទ្ធទ្រង់ទ្រាយធំដើម្បីក្លែងធ្វើប្រតិបត្តិការក្នុងសម័យសង្គ្រាមដែលមានរយៈពេល២៤ម៉ោង។

យន្តហោះចម្បាំងអាមេរិកនិងកូរ៉េខាងត្បូងប្រតិបត្តិការនៅមូលដ្ឋានទ័ពអាកាសកូរ៉េខាងត្បូង។ 

សមយុទ្ធប្រចាំឆ្នាំដែលមានឈ្មោះថា Defence Vigilance (VD) នឹងអូសបន្លាយរហូតដល់ថ្ងៃទី៣ខែវិច្ឆិកាដោយមានការចូលរួមពីយន្តហោះចម្បាំងអាមេរិកនិងកូរ៉េចំនួន១៣០គ្រឿង រួមទាំងប្រភេទយន្តហោះ F-35 និងប្រភេទយន្តហោះផ្សេងៗទៀត។កងទ័ពអាកាសកូរ៉េបាននិយាយ។ដើម្បីកែលម្អអន្តរប្រតិបត្តិការរវាងយោធានៃប្រទេសទាំង២សមយុទ្ធនេះនឹងវិលជុំវិញប្រតិបត្តិការដែនអាកាសទ្រង់ទ្រាយធំ ដូចជាសមយុទ្ធបាញ់គ្រាប់មីស៊ីល ការការពារជាតិនិងខ្លឹមសារហ្វឹកហ្វឺនសង្គ្រោះបន្ទាន់ផ្សេងទៀត។"យើងនឹងរក្សាការត្រៀមខ្លួនប្រយុទ្ធល្អបំផុតដើម្បីឆ្លើយតបភ្លាមៗនិងដាក់ទណ្ឌកម្មយ៉ាងខ្លាំងក្លារាល់ការបង្កហេតុរបស់សត្រូវ តាមរយៈការហ្វឹកហ្វឺនយ៉ាងខ្លាំងក្លា ក្លែងធ្វើស្ថានភាពជីវិតពិត"។កងទ័ពកូរ៉េបានបញ្ជាក់។សមយុទ្ធនេះ បើតាមកងទ័ពអាកាសលេខ៧ត្រូវបានរៀបចំឡើងដើម្បីពង្រឹងសម្ព័ន្ធភាពរវាងកងទ័ពអាកាសអាមេរិកនិងកងទ័ពអាកាសកូរ៉េក៏ដូចជាសម្ព័ន្ធមិត្តរបស់សហរដ្ឋអាមេរិកផ្សេងទៀតនៅក្នុងតំបន់។កងទ័ពអាកាសទី៧ បានសង្កត់ធ្ងន់ថា សមយុទ្ធនេះគឺគ្រាន់តែជាការហាត់សមឡើងវិញនូវខ្លឹមសារហ្វឹកហ្វឺនការពារជាតិនិងមិនមានបំណងបង្ករឿងដល់ប្រទេសណាមួយឡើយ។សមយុទ្ធនេះធ្វើឡើងក្នុងបរិបទដែលកូរ៉េខាងជើងបង្កើនកិច្ចសហប្រតិបត្តិការយោធាជាមួយរុស្ស៊ី។រដ្ឋមន្ត្រីការបរទេសកូរ៉េខាងជើង លោក Choe Son Hui កាលពីថ្ងៃទី២៨ ខែតុលា បានសង្កត់ធ្ងន់ថា ទីក្រុងព្យុងយ៉ាងមាន “ឆន្ទៈដ៏មុតមាំ” ក្នុងការពង្រីកទំនាក់ទំនងជាមួយរុស្ស៊ី។ បុគ្គលនេះក៏បានបញ្ជាក់ផងដែរថាទំនាក់ទំនងកូរ៉េខាងជើង-រុស្ស៊ីនឹងដើរតួជាកត្តា"យុទ្ធសាស្ត្រដ៏រឹងមាំ"ប្រសិនបើសន្តិសុខក្នុងតំបន់ត្រូវបានគំរាមកំហែង។កូរ៉េខាងជើង​តែងតែ​ថ្កោលទោស​សមយុទ្ធ​យោធា​រួមគ្នា​រវាង​អាមេរិក និង​កូរ៉េខាងត្បូង ដោយ​ចាត់ទុក​ពួកគេ​ថា​ជា​ការត្រៀម​វាយប្រហារ។ ទីក្រុងព្យុងយ៉ាងក៏ចាត់ទុកសមយុទ្ធទាំងនេះជាភស្តុតាងនៃគោលនយោបាយអរិភាពរបស់ទីក្រុងវ៉ាស៊ីនតោននិងទីក្រុងសេអ៊ូលប្រឆាំងនឹងពួកគេ៕ពុតសាម៉ាត់

យន្តហោះទម្លាក់គ្រាប់បែកយុទ្ធសាស្ត្រ B-52 របស់កងទ័ពអាកាសអាមេរិក និងយន្តហោះចម្បាំង F-35A របស់កូរ៉េខាងត្បូង ចូលរួមក្នុងសមយុទ្ធនៅឆ្នាំ ២០២២។ រូបថត៖ Reuters