សម្ដេចធិ​បតីសង្ឃឹមថារំដោះមី​នរបស់កម្ពុជានឹងទទួលបាន​ការគាំទ្រអង្គការជាតិ-អ​ន្តរជាតិ

ក្នុងឱកាសអញ្ជើញជាអធិបតីពិធីសម្ពោធដាក់ឱ្យប្រើប្រាស់ជាផ្លូវការ “អគាររដ្ឋបាលថ្មីនិងសមិទ្ធផលនានាក្នុងខេត្តកំពង់ស្ពឺព្រមទាំងប្រកាសខេត្តកំពង់ស្ពឺជាខេត្តអស់មីន” នាព្រឹកថ្ងៃទី៣០ខែតុលា ឆ្នាំ២០២៣នេះប្រមុខរដ្ឋាភិបាលកម្ពុជាសម្ដេចមហាបវរធិបតី ហ៊ុន ម៉ាណែត បានបង្ហាញក្ដីសង្ឃឹមថាបេសកកម្មរំដោះមីនរបស់កម្ពុជានឹងទទួលបានការគាំទ្រជាបន្តបន្ទាប់ទៀតពីវិស័យឯកជនដៃគូអភិវឌ្ឍន៍បណ្ដាប្រទេសជាមិត្ត និងអង្គការជាតិ-អន្តរជាតិ។សម្ដេចធិបតី ហ៊ុន ម៉ាណែត បានមានប្រសាសន៍ថាវិភាគទាននិងការគាំទ្រទាំងនេះគឺសុទ្ធតែជាកាយវិការដ៏ថ្លៃថ្លានិងគួរឱ្យកោតសរសើរទាំងសម្រាប់ប្រជាជនកម្ពុជាក៏ដូចជាមនុស្សជាតិទាំងអស់មូល។សម្ដេចធិបតីក៏បានថ្លែងអំណរគុណចំពោះការចូលរួមជាវិភាគទាននិងការគាំទ្រគ្រប់រូបភាពទាំងអស់ពីវិស័យឯកជន ដៃគូអភិវឌ្ឍន៍ បណ្ដាប្រទេសជាមិត្ត និងអង្គការជាតិ-អន្តរ ជាតិដែលបានរួមចំណែកធ្វើឱ្យកម្ពុជាគ្មានមីននៅឆ្នាំ ២០២៥ខាងមុខ។

សម្ដេចបានថ្លែងបញ្ជាក់ថា៖ «យើងបានរួមគ្នាធ្វើ ហើយយើងត្រូវខិតខំបន្តធ្វើឱ្យសម្រេចបានដើម្បីធ្វើឱ្យប្រជាពលរដ្ឋយើងដីរបស់យើងក្លាយទៅជាកន្លែងដែលមិនមានរងហានិភ័យដោយសារគ្រាប់មីន»។នាយករដ្ឋមន្រ្តីក៏បានអះអាងបន្ថែមថា៖«វាជាមោទនភាពរបស់កម្ពុជាមិនត្រឹម តែដោះខ្លួនឯងប៉ុណ្ណោះទេគឺបានជួយទៅដល់នៅតាមបណ្ដាប្រទេសនានា ផងដែរក្នុងការបោសសម្អាតមីន»៕ប្រភពSTPM