រដ្ឋមន្ត្រី​កា​រ​បរទេស​ចិន​មក​អា​មេរិក​ដោយ​អំពាវ​នាវ​ឲ្យ​មា​ន​ការ​ចរចា

រដ្ឋមន្ត្រីការបរទេសចិនលោក Wang Yi បានទទួលស្គាល់ថាអាមេរិក និងចិនមានការខ្វែងគំនិតគ្នា។ប៉ុន្តែភាគីទាំង២ត្រូវការកិច្ចសន្ទនា ដើម្បីកាត់បន្ថយការយល់ច្រឡំនិងរក្សាស្ថិរភាពទំនាក់ទំនង។ក្នុងដំណើរទស្សនកិច្ចទៅកាន់សហរដ្ឋអាមេរិកកាលពីថ្ងៃទី២៦ខែតុលា រដ្ឋមន្ត្រីការបរទេសចិន លោក Wang Yi បាននិយាយថាទីក្រុងប៉េកាំង និងទីក្រុងវ៉ាស៊ីនតោនចែករំលែកផលប្រយោជន៍រួមសំខាន់ៗនិងបញ្ហាប្រឈមដែលភាគីទាំង២ត្រូវដោះស្រាយរួមគ្នា។លោក Wang បាននិយាយថា "ដូច្នេះ ប្រទេសចិននិងសហរដ្ឋអាមេរិក ត្រូវការកិច្ចសន្ទនា។ យើងមិនគួរគ្រាន់តែបន្តកិច្ចសន្ទនាឡើងវិញប៉ុណ្ណោះទេ ។ប៉ុន្តែការសន្ទនាក៏ត្រូវតែមានភាពស៊ីជម្រៅនិងទូលំទូលាយផងដែរ" ។

រដ្ឋមន្ត្រីការបរទេសអាមេរិក លោក Antony Blinken (ស្តាំ) ចាប់ដៃជាមួយរដ្ឋមន្ត្រីការបរទេសចិន លោក Wang Yi ក្នុងជំនួបនៅទីក្រុង Washington ថ្ងៃទី២៦ខែតុលា (រូបថត៖ Reuters)

យោងតាមអ្នកការទូតចិនការសន្ទនានឹងជួយកាត់បន្ថយការយល់ច្រលំ ជួយរក្សាស្ថិរភាពទំនាក់ទំនងនិង"ត្រឡប់ទំនាក់ទំនងទៅជាគន្លងអភិវឌ្ឍន៍ប្រកបដោយសុខភាពល្អ ស្ថិរភាព និងនិរន្តរភាព"។រដ្ឋមន្ត្រីការបរទេសអាមេរិក លោក Antony Blinken បានប្រកាសថា “ខ្ញុំយល់ស្របនឹងអ្វីដែលរដ្ឋមន្ត្រីការបរទេស(ចិន)បាននិយាយ។មុនពេលលោក Wang និយាយ រដ្ឋមន្ត្រីការបរទេសអាមេរិកបាននិយាយថា លោកទន្ទឹងរង់ចាំការចរចាប្រកបដោយស្ថាបនាជាមួយសមភាគីចិន។ដំណើរទស្សនកិច្ចរយៈពេល៣ថ្ងៃរបស់រដ្ឋមន្ត្រីការបរទេសចិនទៅកាន់សហរដ្ឋអាមេរិកគឺជាជំនួបចុងក្រោយបង្អស់នៃទំនាក់ទំនងការទូតរវាងប្រទេសទាំង២ខណៈដែលពួកគេស្វែងរកការដោះស្រាយការខ្វែងគំនិតគ្នា ដើម្បីបញ្ចៀសជម្លោះ។ ដំណើរ​ទស្សនកិច្ច​នេះ​ត្រូវ​បាន​គេ​និយាយ​ថា​ជា​ការ​រៀបចំ​សម្រាប់​ជំនួប​កំពូល​ដែល​រំពឹង​ទុក​រវាង​ប្រធានាធិបតី​អាមេរិក​លោក Joe Biden និង​ប្រធានាធិបតី​ចិន Xi Jinping ក្នុង​ខែវិច្ឆិកា។ជម្លោះអ៊ីស្រាអែលនិងក្រុមហាម៉ាស់បានបន្ថែមសន្ទុះថ្មីដល់ទំនាក់ទំនងដ៏លំបាករវាងមហាអំណាចទាំង២។ ទីក្រុងវ៉ាស៊ីនតោនសង្ឃឹមថាទីក្រុងប៉េកាំងអាចប្រើប្រាស់ឥទ្ធិពលរបស់ខ្លួនជាមួយអ៊ីរ៉ង់ដើម្បីទប់ស្កាត់ជម្លោះកុំឱ្យកើនឡើងទៅជាសង្គ្រាមកាន់តែទូលំទូលាយនៅមជ្ឈិមបូព៌ា។លោកWang គ្រោងនឹងជួបជាមួយទីប្រឹក្សាសន្តិសុខជាតិអាមេរិក Jake Sullivan នៅថ្ងៃទី២៧ ខែតុលា។ លោកក៏ត្រូវបានគេរំពឹងថានឹងពិភាក្សាជាមួយប្រធានាធិបតី Biden ក្នុងអំឡុងពេលដំណើរទស្សនកិច្ចរបស់គាត់ទៅកាន់សេតវិមាន៕ប្រភពReuters