ទាហាន​៤០,០០០Wagne​rបានចុះកិច្ចសន្យា​ជាមួយក្រសួងការពារ​ជាតិរុស្ស៊ី?

បន្ទាប់ពីការបះបោរបរាជ័យនិងការធ្លាក់យន្តហោះដែលបានសម្លាប់ចៅហ្វាយនោះផ្នែកនៃកងកម្លាំងយោធាឯកជនWagnerត្រូវបានគេនិយាយថាបានចុះកិច្ចសន្យាជាមួយក្រសួងការពារជាតិរុស្ស៊ី។អនុប្រធានក្រុមប្រឹក្សាសន្តិសុខរុស្ស៊ី អតីតប្រធានាធិបតី Dmitry Medvedev បាននិយាយថា ចាប់តាំងពីដើមឆ្នាំមកមនុស្សប្រហែល២៨០,000 នាក់បានចុះឈ្មោះដើម្បីចុះឈ្មោះជាទាហានអាជីពនៅក្នុងកងទ័ពរុស្ស៊ី។

កងកម្លាំងWagner។Reuters

គួរកត់សំគាល់ជាងនេះទៅទៀត គេហទំព័រ Avia-pro បានដកស្រង់អ្នកវិទ្យាសាស្ត្រនយោបាយរុស្ស៊ីលោក Sergei Markov ថាក្នុងចំនួននេះមានសមាជិកប្រហែល៤០,000នាក់នៃកងកម្លាំងយោធាឯកជន Wagner ។Wagner មិន​ទាន់​ធ្វើ​អត្ថាធិប្បាយ​ជុំវិញ​ព័ត៌មាន​នេះ​នៅ​ឡើយ​ទេ។Wagnerគឺជាក្រុមហ៊ុនយោធាឯកជនមួយដែលមានមូលដ្ឋាននៅប្រទេសរុស្ស៊ី។កម្លាំងនេះផ្តល់សេវាកម្មទាហានស៊ីឈ្នួលជាចម្បង ដោយធានាសន្តិសុខនៅអណ្តូងរ៉ែនៅអាហ្វ្រិក។កងកម្លាំង Wagner បានដើរតួនាទីយ៉ាងសំខាន់ក្នុងយុទ្ធនាការយោធារបស់រុស្ស៊ីនៅអ៊ុយក្រែន។ ទោះជាយ៉ាងណាក៏ដោយ ជោគវាសនារបស់ Wagner មានភាពមិនច្បាស់លាស់បន្ទាប់ពីការបះបោរបរាជ័យក្នុងប្រទេសរុស្ស៊ីនៅចុងខែមិថុនានិងថ្មីៗនេះការធ្លាក់យន្តហោះដែលបានសម្លាប់ថៅកែគឺលោកYevgeny Prigozhin និងមេបញ្ជាការជាន់ខ្ពស់មួយចំនួនទៀត។ប៉ុន្មានថ្ងៃមុនការបះបោរលោកPrigozhin បានប្រកាសថាគ្មានសមាជិក Wagner នឹងចុះកិច្ចសន្យាជាមួយក្រសួងការពារជាតិរុស្ស៊ី បន្ទាប់ពីដកខ្លួនចេញពីសមរភូមិអ៊ុយក្រែន។ជាមួយនឹងសេចក្តីថ្លែងការណ៍នេះលោកPrigozhin បានច្រានចោលសំណើថ្មីពីក្រសួងការពារជាតិរុស្ស៊ី ដើម្បីរៀបចំអង្គភាពយោធាស្ម័គ្រចិត្តរបស់ប្រទេសជាផ្លូវការ។កាលពីថ្ងៃទី ១០ខែមិថុនាក្រសួងការពារជាតិរុស្ស៊ីបានបញ្ជាឱ្យអង្គភាពស្ម័គ្រចិត្តចុះហត្ថលេខាលើកិច្ចសន្យាមុនថ្ងៃទី១ខែកក្កដាដើម្បីធានាបាននូវស្ថានភាពផ្លូវច្បាប់ចាំបាច់ និងពង្រីកការគាំទ្រនិងវិធានការការពារសង្គមសម្រាប់អ្នកស្ម័គ្រចិត្ត និងសមាជិកគ្រួសារ។បន្ទាប់ពីការបះបោររបស់ Wagner ប្រធានាធិបតីរុស្ស៊ី Vladimir Putin បានផ្តល់ជម្រើសបីដល់សមាជិកWagner៖ ចុះហត្ថលេខាលើកិច្ចសន្យាជាមួយក្រសួងការពារជាតិរុស្ស៊ីឬផ្លាស់ទៅប្រទេសបេឡារុស្សឬត្រឡប់ទៅផ្ទះវិញ។ទាហាន Wagner រាប់ពាន់នាក់ក្រោយមកត្រូវបានផ្លាស់ទៅមូលដ្ឋានយោធានៅប្រទេសបេឡារុស្ស ក្បែរព្រំដែនជាមួយអ៊ុយក្រែន និងប៉ូឡូញ ។ប៉ុន្តែវាមិនច្បាស់ទេថាតើសមាជិកណាម្នាក់បានចុះហត្ថលេខាលើកិច្ចសន្យាជាមួយក្រសួងការពារជាតិរុស្ស៊ី។ទំព័រ Avia-Pro បានរាយការណ៍នៅថ្ងៃទី ៣១ខែសីហាថាសមាជិកនៃកងកម្លាំងយោធាឯកជនរបស់ Wagner បានទទួលសារពីគណៈបញ្ជាការលើកទឹកចិត្តពួកគេឱ្យ "ស្វែងរកការងារផ្សេងទៀត" បន្ទាប់ពីមានការវិវត្តថ្មីៗជាបន្តបន្ទាប់។អ្នកតំណាងនៃបញ្ជាការ Wagner បាននិយាយនៅក្នុងសារជាសំឡេងមួយផ្ញើទៅកាន់សមាជិកទាំងអស់ថា "ស្ថានភាពឥឡូវនេះគឺពិបាកខ្លាំងណាស់។យើងមិនអាចចូលរួមក្នុងយុទ្ធនាការយោធាពិសេសរបស់រុស្ស៊ី (នៅអ៊ុយក្រែន) បានទៀតទេ" ។យោងតាមសារជាសំឡេង ទាហានស៊ីឈ្នួល Wagner កំពុងប្រឈមមុខនឹងការប្រកួតប្រជែងខ្លាំងពីក្រសួងការពារជាតិ និងឆ្មាំជាតិរុស្ស៊ី។ អ្នកតំណាង Wagner បានបន្ថែមថា លោកឧកញ៉ា Prigozhin"បានដោះស្រាយបញ្ហានេះក្នុងអំឡុងពេលដំណើរចុងក្រោយរបស់គាត់ទៅកាន់ទ្វីបអាហ្រ្វិក" ប៉ុន្តែបញ្ហា "នៅតែត្រូវដោះស្រាយបន្ថែមទៀត" ។លោកAndreyKartapolovប្រធានគណៈកម្មាធិការការពារសភាតំណាងរាស្ដ្ររុស្ស៊ីបាននិយាយកាលពីខែមិថុនាថាខ្មាន់កាំភ្លើងដែលសម្រេចចិត្តតាម Wagner នឹងមិនត្រូវបានដាក់ពង្រាយទៅកាន់សមរភូមិអ៊ុយក្រែនទេ។លោកបាននិយាយថា"អង្គការដែលមិនចុះកិច្ចសន្យាជាមួយក្រសួងការពារជាតិរុស្ស៊ីនឹងមិនអាចចូលរួមក្នុងប្រតិបត្តិការយោធាពិសេសនៅអ៊ុយក្រែនបានទេ។ ពីព្រោះពួកគេត្រូវតែបំពេញភារកិច្ចដែលកំណត់ដោយបញ្ជាការយោធា ហើយត្រូវបានបំពាក់ដោយក្រសួងការពារជាតិ"។ទោះបីជាយ៉ាងណាក៏ដោយ លោកបានសង្កត់ធ្ងន់ថា ទាហាន Wagner អាចចុះឈ្មោះដើម្បីប្រយុទ្ធក្នុងប្រទេសអ៊ុយក្រែនបន្ទាប់ពីពួកគេចូលរួមជំរុំហ្វឹកហ្វឺនហើយបន្ទាប់មកមានជម្រើសជាច្រើន៖ទាំងចុះហត្ថលេខាលើកិច្ចសន្យាជាមួយក្រសួងការពារជាតិឬត្រឡប់ទៅផ្ទះវិញ ហើយចុះកិច្ចសន្យាជាមួយភ្នាក់ងារសន្តិសុខផ្សេងទៀត៕ប្រភពAvia-Pro