ឧត្តមសេ​​​នី​​យ៍​​នីហ្សេ​សន្យាផ្ទេរអំ​​ណា​ចក្នុងរយៈ​​ពេ​ល៣ឆ្នាំ

 មេដឹកនាំរបបយោធានីហ្សេបាននិយាយថាលោកនឹងបញ្ជូនប្រទេសទៅកាន់ការគ្រប់គ្រងស៊ីវិលវិញក្នុងរយៈពេល៣ឆ្នាំដោយព្រមានថាអន្តរាគមន៍ណាមួយនៅក្នុងប្រទេសនឹងមិនងាយស្រួលនោះទេ។លោក Abdourahamane Tianiមេដឹកនាំរបបយោធានីហ្សេបាននិយាយតាមទូរទស្សន៍កាលពីល្ងាចថ្ងៃទី១៩ខែសីហាថា "មហិច្ឆតារបស់យើងគឺមិនមែនដើម្បីដណ្តើមអំណាចទេ" ។ "រយៈពេលអន្តរកាលនឹងមិនលើសពី៣ឆ្នាំទេ។ទន្ទឹមនឹងនោះ គណបក្សនយោបាយមានពេល៣០ថ្ងៃដើម្បីបញ្ជូនទស្សនៈរបស់ពួកគេសម្រាប់ការផ្លាស់ប្តូរ" ។លោក Tiani បានសង្កត់ធ្ងន់ថា រដ្ឋាភិបាលយោធា ក៏ដូចជាប្រជាជននីហ្សេមិនចង់បានសង្រ្គាមទេគឺត្រៀមខ្លួនសម្រាប់ការសន្ទនា។ប៉ុន្តែក៏ត្រៀមខ្លួនរួចជាស្រេចដើម្បីការពារខ្លួនប្រឆាំងនឹងការវាយប្រហារណាមួយពីខាងក្រៅ។លោកTianiបានព្រមានថា"ប្រសិនបើមានការវាយប្រហារមកលើពួកយើង វាមិនងាយស្រួលដូចមនុស្សជាច្រើនគិតនោះទេ។

ឧត្តមសេនីយ៍AbdourahamaneTianiបាននិយាយតាមទូរទស្សន៍នីហ្សេកាលពីថ្ងៃទី ១៩ សីហា។ រូបថត៖ AFP

ការអត្ថាធិប្បាយរបស់លោកTianiបានធ្វើឡើងបន្ទាប់ពីគណៈប្រតិភូមកពីសហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) បានទៅដល់ប្រទេសនីហ្សេកាលពីចុងសប្តាហ៍មុនដើម្បីជំរុញឱ្យមានវិធានការការទូតចុងក្រោយមុននឹងសម្រេចថាតើត្រូវធ្វើអន្តរាគមន៍ផ្នែកយោធាជាមួយ Niameyឬយ៉ាងណា។ គណៈប្រតិភូក៏បានជួបជាមួយប្រធានាធិបតី MohamedBazoumដែលកំពុងស្ថិតនៅក្រោមការឃុំខ្លួនក្នុងផ្ទះជាមួយគ្រួសាររបស់គាត់នៅឯគេហដ្ឋានឯកជនរបស់គាត់បន្ទាប់ពីត្រូវបានបណ្តេញចេញកាលពីថ្ងៃទី២៦ខែកក្កដា។ECOWASបានច្រានចោលរយៈពេល៣ឆ្នាំបន្ទាប់ពីការផ្លាស់ប្តូរថ្ងៃទី២០ខែសីហា។លោក Musah បានប្រាប់ BBC ថា "ECOWASមិនទទួលយកការបន្តបន្ថែមណាមួយនៃការផ្លាស់ប្តូរនៅក្នុងតំបន់នោះទេ។ ពួកគេត្រូវតែត្រៀមខ្លួនជាស្រេចដើម្បីប្រគល់អំណាចក្នុងរយៈពេលដ៏ខ្លីបំផុត" ។ "កាន់តែឆាប់រដ្ឋាភិបាលស៊ីវិលត្រូវបានប្រគល់អំណាចមកវិញ ហើយផ្តោតលើភារកិច្ចការពារបូរណភាពទឹកដីរបស់នីហ្សេកាន់តែប្រសើសម្រាប់ពួកគេ"។ថ្លែងមតិក្នុងជំនួបជាមួយគណៈប្រតិភូ ECOWAS លោក Tiani ជឿជាក់ថា ភាគីទាំង២ "នឹងធ្វើការរួមគ្នា ដើម្បីស្វែងរកផ្លូវចេញពីវិបត្តិ ដើម្បីផលប្រយោជន៍ទាំងអស់គ្នា"។ លោកTianiបានបន្ថែមថា« ECOWAS បានត្រៀមខ្លួនរួចជាស្រេចដើម្បីវាយប្រហារប្រទេសនីហ្សេដោយបង្កើតកងទ័ពកាន់កាប់ដោយមានការសម្របសម្រួលជាមួយកងទ័ពបរទេស»។មេដឹកនាំយោធាECOWASកាលពីសប្តាហ៍មុនបានយល់ព្រមលើកាលបរិច្ឆេទដែលអាចធ្វើអន្តរាគមន៍ក្នុងប្រទេសនីហ្សេ។ប្រសិនបើការទូតបរាជ័យ។ ទោះ​យ៉ាង​ណា តំណាង​ប្លុក​រូប​នេះ​មិន​បាន​ប្រាប់​ពី​ពេល​វេលា​ជាក់​លាក់​នោះ​ទេ ព្រោះ​នេះ​ជា​ការ​សម្ងាត់​យោធា។ ECOWAS កាលពីថ្ងៃទី១០ខែសីហាបានសម្រេចចិត្តធ្វើឱ្យកម្លាំងអចិន្ត្រៃយ៍នៃប្លុកនេះអាចត្រូវបានដាក់ពង្រាយនៅនីហ្សេដើម្បីស្តារសណ្តាប់ធ្នាប់រដ្ឋធម្មនុញ្ញនៅក្នុងប្រទេស។ប្លុកនេះកាលពីមុនបានដាក់ទណ្ឌកម្មសេដ្ឋកិច្ចជាច្រើនប្រឆាំងនឹងនីហ្សេរួមទាំងការកាត់ផ្តាច់ប្រតិបត្តិការហិរញ្ញវត្ថុនិងការផ្គត់ផ្គង់អគ្គិសនី ការបិទព្រំដែននិងការទប់ស្កាត់ការនាំចូលទំនិញសំខាន់ៗជាច្រើនសម្រាប់ប្រទេសមួយក្នុងចំណោមប្រទេសក្រីក្របំផុតក្នុងពិភពលោក។លោកTiani បានថ្កោលទោសវិធានការទាំងនេះថា"ខុសច្បាប់"និង"អមនុស្សធម៌"។សមាជិកភាគច្រើននៃរដ្ឋចំនួន១៥នៃ ECOWAS បានត្រៀមខ្លួនរួចជាស្រេចដើម្បីចូលរួមជាមួយកម្លាំងឈរដែលអាចធ្វើអន្តរាគមន៍នៅក្នុងប្រទេសនីហ្សេលើកលែងតែ Cape Verde និងប្រទេសដែលដឹកនាំដោយរបបយោធារួមទាំងប្រទេសម៉ាលី បួគីណាហ្វាសូនិងហ្គីណេដែលជាមន្ត្រីដ៏សំខាន់មួយរូបរបស់ប្លុកបាននិយាយនៅថ្ងៃទី១៧ ខែសីហា៕ប្រភព AFP, RT