រដ្ឋមន្ត្រី​ការពា​រ​​ជាតិ​ចិន​គ្រោង​​នឹង​​ទៅ​​បំពេញ​ទស្សន​​កិច្ច​នៅ​រុស្ស៊ី​បេ​​​ឡារុស្ស

រដ្ឋមន្ត្រីការពារជាតិចិនលោក Li Shangfuនឹងធ្វើទស្សនកិច្ចនៅប្រទេសរុស្ស៊ី និងបេឡារុស្សនិងជួបជាមួយមន្ត្រីយោធានៃប្រទេសទាំងពីរក្នុងសប្តាហ៍នេះ។

រដ្ឋមន្ត្រី​ការពារជាតិ​ចិនលោក Li Shangfu ថ្លែង​នៅ​ប្រទេស​សិង្ហ​បុរី​កាលពី​ថ្ងៃ​ទី​៤ មិថុនា ។រូបថត៖ AFP

ក្រសួងការពារជាតិចិនបាននិយាយនៅថ្ងៃនេះថា លោក Li Shangfu នឹងចូលរួមសន្និសីទសន្តិសុខអន្តរជាតិនៅទីក្រុងម៉ូស្គូលើកទី១១ នៅប្រទេសរុស្ស៊ីចាប់ពីថ្ងៃទី១៤ដល់ថ្ងៃទី១៩ខែសីហាហើយនឹងទៅបំពេញទស្សនកិច្ចនៅប្រទេសបេឡារុស្ស។លោកLiនឹងថ្លែងនៅក្នុងសន្និសីទនៅទីក្រុងម៉ូស្គូ ដោយជួបជាមួយមន្ត្រីការពារជាតិមកពីប្រទេសរុស្ស៊ី និងប្រទេសដទៃទៀត។ នៅទីក្រុង Minsk លោក Li នឹងជួបជាមួយមេដឹកនាំ និងមន្ត្រីការពារជាតិបេឡារុស្សនិងទស្សនាកន្លែងយោធារបស់ប្រទេស។នៅពេលដែលលោក Li បានមកដល់ទីក្រុងម៉ូស្គូក្នុងខែមេសា លោកប្រធានាធិបតីVladimirPutinបានប្រកាសថាកិច្ចសហប្រតិបត្តិការយោធារុស្ស៊ី-ចិនគឺ "គ្មានដែនកំណត់"។ ទន្ទឹមនឹងនោះ លោក Li បានបញ្ជាក់ថា ទំនាក់ទំនងទ្វេភាគី“មានភាពរឹងមាំខ្លាំងលើសសម្ព័ន្ធភាពនយោបាយ-យោធានៃសង្គ្រាមត្រជាក់និងមានស្ថិរភាពខ្លាំង”។រដ្ឋមន្ត្រី​ការពារជាតិ​ចិន​បាន​បន្ថែមថា ទំនាក់ទំនង​រវាង​ទីក្រុង​ប៉េកាំង និង​ទីក្រុង​ម៉ូស្គូ «​បាន​ចូល​ដល់​សករាជ​ថ្មី​មួយ​ហើយ​»​។រុស្ស៊ីនិងចិនបានព្រមព្រៀងគ្នាលើភាពជាដៃគូយុទ្ធសាស្ត្រ "គ្មានដែនកំណត់"នៅខែកុម្ភៈឆ្នាំ២០២២មុនពេលរុស្ស៊ីចាប់ផ្តើមប្រតិបត្តិការនៅអ៊ុយក្រែន។បន្ទាប់មកភាគីទាំង២បានអះអាងម្តងហើយម្តងទៀតអំពីភាពរឹងមាំនៃទំនាក់ទំនងរបស់ពួកគេជាមួយនឹងទំហំពាណិជ្ជកម្មទ្វេភាគីកើនឡើង។ប្រធានាធិបតី​ចិន Xi Jinping កាលពី​ខែមីនា​បាន​ធ្វើ​ទស្សនកិច្ច​នៅ​ទីក្រុង​ម៉ូ​ស្គូ​ដោយ​បាន​ជួប​ពិភាក្សា​ជាមួយ​ប្រធានាធិបតី​Putin​។ មេដឹកនាំទាំង២បានសាទរចំពោះ "យុគសម័យថ្មី" នៅក្នុងទំនាក់ទំនងទ្វេភាគី និងបានពិភាក្សាអំពីសំណើរបស់ទីក្រុងប៉េកាំងដើម្បីជួយបញ្ចប់ជម្លោះនៅអ៊ុយក្រែន៕ប្រភពAFP, Reuters