លោកT​rumpបា​នប្រកាសថា​កម្ចាត់លោ​កស្រីKamala Harrisស្រួលជា​ង​ប្រធានាធិប​តីJoe Biden

 ដោយ៖ពុតសាម៉ាត់

បេក្ខជនប្រធានាធិបតីមកពីគណបក្សសាធារណរដ្ឋលោក Donald Trump បាននិយាយថាអនុប្រធានាធិបតីKamalaHarrisនឹងក្លាយជាគូប្រជែងងាយស្រួលជាងក្នុងការផ្តួលប្រធានាធិបតីJoeBidenនៅក្នុងការបោះឆ្នោតខែវិច្ឆិកាខាងមុខ។យោងតាម ​CNN អតីតប្រធានាធិបតី Donald Trump បានធ្វើអត្ថាធិប្បាយភ្លាមៗបន្ទាប់ពីប្រធានាធិបតីJoe Biden សម្រេចចិត្តឈប់ឈរឈ្មោះសម្រាប់ការបោះឆ្នោតឡើងវិញ។បន្ទាប់មក លោក Trump និងយុទ្ធនាការរបស់លោកបានវាយប្រហារប្រធានាធិបតី និងអនុប្រធានាធិបតីបច្ចុប្បន្ននៅលើបណ្តាញសង្គមហើយបាននិយាយថា លោកBidenមិនមានសមត្ថភាពក្នុងការបន្តកាន់តំណែងប្រធានាធិបតីនោះទេ។លោក Trump និងលោកប្រធានាធិបតី Joe Biden មានការគាំទ្រស្ទើរតែស្មើៗគ្នានៅក្នុងការស្ទង់មតិ។ប៉ុន្តែបន្ទាប់ពីការជជែកដេញដោលកាលពីខែមិថុនាការស្ទង់មតិមួយចំនួនបានបង្ហាញថាលោក Trump នាំមុខប្រធានាធិបតីក្នុងការប្រជែងតំណែងសម្រាប់សេតវិមាន។

លោកប្រធានាធិបតី Joe Biden និងអនុប្រធានាធិបតី Kamala Harris

កន្លងមក ប្រភពមួយចំនួនបាននិយាយថា យុទ្ធនាការរបស់លោក Trump បានចាប់ផ្តើមពិភាក្សាអំពីរបៀបប្រើប្រាស់ធនធានយុទ្ធនាការឡើងវិញ ដើម្បីទប់ស្កាត់លទ្ធភាពនៃការដកប្រធានាធិបតីBiden។លទ្ធផលស្ទង់មតិនាពេលថ្មីៗនេះរបស់ CNN ស្តីពីសមត្ថភាពរបស់អនុប្រធានាធិបតី Kamala Harris ក្នុងការប្រកួតប្រជែងជាមួយលោកTrump ក្នុងការបោះឆ្នោតប្រធានាធិបតីខែវិច្ឆិកាបង្ហាញថាវាគឺជាការប្រណាំងដោយគ្មានមេដឹកនាំច្បាស់លាស់។ការស្ទង់មតិរបស់ CNN គឺជាការស្ទង់មតិជាមធ្យមក្នុងចំណោមការស្ទង់មតិជាតិមិនលំអៀងចុងក្រោយបំផុតចំនួន៦របស់អ្នកបោះឆ្នោតដែលបានចុះឈ្មោះឬទំនងជាអ្នកបោះឆ្នោតដែលបំពេញតាមស្តង់ដាររបស់CNNហើយសំណួរកើតឡើងទាក់ទងនឹងការបោះឆ្នោតប្រធានាធិបតីឆ្នាំ២០២៤រវាងលោកស្រី Harris និងលោក Trump ។លទ្ធផលជាមធ្យមនៃការស្ទង់មតិចំនួន៦បង្ហាញថា លោក Trump មានការគាំទ្រ៤៨% ខណៈដែលលោកស្រី Harris មានការគាំទ្រ៤៧% ។ ការស្ទង់មតិនីមួយៗត្រូវបានធ្វើឡើងបន្ទាប់ពីការជជែកដេញដោលប្រធានាធិបតីរបស់ CNN កាលពីខែមុន ហើយមានតែការស្ទង់មតិ CBS/YouGov ប៉ុណ្ណោះដែលបានកើតឡើងបន្ទាប់ពីការប៉ុនប៉ងធ្វើឃាតរបស់លោក Trump កាលពីថ្ងៃទី១៣ខែកក្កដា៕