Donal​dTrumpនិងHunter​Bi​den៖តើអ្នកឃើញអ្វីខ្លះនៅក្នុង​ការកាត់ទោ​ស​ជាប្រវត្តិ​សា​ស្ត្រ?

ក្នុងរយៈពេល២សប្តាហ៍កន្លងមកនេះ អតីតប្រធានាធិបតីអាមេរិក Donald Trump និងកូនប្រុសរបស់ប្រធានាធិបតីអាមេរិកបច្ចុប្បន្ន Joe Biden - HunterBidenត្រូវបានកាត់ទោសពីបទឧក្រិដ្ឋកម្ម។កាលពីថ្ងៃទី១១ខែមិថុនា លោកប្រធានាធិបតី Joe Biden មិនបានធ្វើអន្តរាគមន៍ទេ នៅពេលដែលក្រសួងយុត្តិធម៌សហរដ្ឋអាមេរិកបានចេញសាលក្រមផ្តន្ទាទោសកូនប្រុសរបស់លោក គឺលោក Hunter Biden ។ នេះអាចនាំឱ្យមានការកាត់ទោសដាក់ពន្ធនាគារសម្រាប់លោក Hunter និងធ្វើឱ្យខូចដល់យុទ្ធនាការឃោសនាបោះឆ្នោតប្រធានាធិបតីផ្ទាល់របស់លោក Biden ។

ក្នុងរយៈពេល២សប្តាហ៍កន្លងមកនេះ អតីតប្រធានាធិបតីអាមេរិក Donald Trump (ស្តាំ)និងកូនប្រុសរបស់ប្រធានាធិបតីអាមេរិកបច្ចុប្បន្ន Joe Biden គឺលោក Hunter Biden ត្រូវបានកាត់ទោស។ រូបថត៖ CNN

យោងតាម ​​CNN ប្រធានាធិបតី Biden មិនខិតខំប្រឹងប្រែងធ្វើអន្តរាគមន៍ក្នុងការកាត់ទោសកូនប្រុសរបស់លោកទេ។ លោក Bidenបានប្រកាសថាលោកនឹងទទួលយកលទ្ធផលនៃករណីនេះ និងគោរពដំណើរការតុលាការ ខណៈដែលលោក Hunter ពិចារណាលើបណ្តឹងឧទ្ធរណ៍។គណៈវិនិច្ឆ័យបានរកឃើញថាលោក Hunter"បានក្លែងបន្លំទម្រង់ត្រួតពិនិត្យរបស់សហព័ន្ធហើយមានអាវុធ ខណៈពេលដែលញៀនថ្នាំឬប្រើប្រាស់គ្រឿងញៀនខុសច្បាប់"។នៅក្នុងប្រតិកម្មដំបូងរបស់លោកចំពោះសាលក្រមនេះលោកHunter មិនបានរិះគន់ចៅក្រមឬព្រះរាជអាជ្ញាទេ។ផ្ទុយទៅវិញបង្ហាញការដឹងគុណចំពោះសេចក្តីស្រឡាញ់និងការគាំទ្រពីគ្រួសាររបស់លោកក៏ដូចជាក្តីសង្ឃឹមរបស់លោក។ក្នុងអំឡុងពេលសវនាការនៅ Manhattan លោក Trump បានត្អូញត្អែរថាលោកមិនអាចទទួលបានសាលក្រមយុត្តិធម៌នៅក្នុងកន្លែងដែលអ្នកបោះឆ្នោតភាគច្រើនធ្វើតាមគណបក្សប្រជាធិបតេយ្យ។ ទោះជាយ៉ាងណាក៏ដោយគណៈវិនិច្ឆ័យនៅDelawareដែលជារដ្ឋពណ៌ខៀវ (ទំនោរទៅរកគណបក្សប្រជាធិបតេយ្យ)និងស្រុកកំណើតរបស់លោកប្រធានាធិបតី Biden ទើបតែបានកាត់ទោសលោក Hunter ។សមាជិកម្នាក់នៃគណៈវិនិច្ឆ័យដែលបានកាត់ទោសលោក Hunter បានប្រាប់ CNN នៅថ្ងៃទី១១ ខែមិថុនាថា "នយោបាយមិនបានកើតឡើងនៅក្នុងការគិតរបស់ពួកគេទេ" ។ ទោះជាយ៉ាងណាក៏ដោយ គណៈវិនិច្ឆ័យនៅក្នុងការកាត់ក្តីរបស់លោក Trumpមិនទាន់បាននិយាយនៅឡើយទេដោយហាក់បីដូចជាមានការព្រួយបារម្ភថាពួកគេអាចត្រូវបានកំណត់អត្តសញ្ញាណបន្ទាប់ពីការគំរាមកំហែងរបស់លោកTrump ។ការកាត់ទោសរបស់លោក Hunter ក៏ផ្ទុយនឹងអ្វីដែលលោក Trump បាននិយាយម្តងហើយម្តងទៀតដែលថាលោកជា"ជនរងគ្រោះនៃប្រព័ន្ធច្បាប់ដែលបំពាក់ដោយអាវុធដោយក្រសួងយុត្តិធម៌ហើយផ្តោតតែលើគណបក្សសាធារណរដ្ឋប៉ុណ្ណោះ"។រដ្ឋអាជ្ញាពិសេសលោកDavidWeissដែលត្រូវបានតែងតាំងឱ្យមើលការខុសត្រូវលើការស៊ើបអង្កេតរបស់លោកHunterបានអះអាងថា"គ្មាននរណាម្នាក់នៅក្នុងប្រទេសនេះនៅពីលើច្បាប់នោះទេហើយគ្រប់គ្នាត្រូវទទួលខុសត្រូវចំពោះសកម្មភាពរបស់ពួកគេ"។ប្រធានគណៈកម្មាធិការត្រួតពិនិត្យសភាអាមេរិក លោក James Comer បានអត្ថាធិប្បាយថាការកាត់ក្តីរបស់លោក Hunter នៅទីក្រុង Delaware គឺជា "ជំហានឆ្ពោះទៅរកការទទួលខុសត្រូវ" ។ទោះបីជាយ៉ាងណាក៏ដោយ លោក Comer បានចោទប្រកាន់ម្តងទៀតថា លោកប្រធានាធិបតីBiden"បានចំណេញពីសកម្មភាពអាជីវកម្មដែលគួរឱ្យសង្ស័យលើកូនប្រុសលោកនៅអ៊ុយក្រែននិងប្រទេសចិន(ក្នុងអំឡុងពេលលោក Biden ជាអនុប្រធានាធិបតី)"។ប្រធានសភាអាមេរិកលោក Mike Johnsonបានព្រមានថាពួកគេនឹងបន្តទាមទារឱ្យមានការទទួលខុសត្រូវចំពោះប្រតិបត្តិការអាជីវកម្មរបស់គ្រួសារBiden៕ពុតសាម៉ាត់