យន្ត​ហោះ​​ទម្លាក់​គ្រាប់​លឿន​ជា​ង​សំឡេង​របស់​រុស្ស៊ី​មួយ​គ្រឿង​​បាន​ធ្លាក់​នាវិកទាំងអស់​​បាន​ស្លាប់

ក្រសួងការពារជាតិរុស្សីបាននិយាយថាយន្តហោះទម្លាក់គ្រាប់បែកល្បឿនលឿន Su-34 របស់ប្រទេសនេះបានធ្លាក់នៅតំបន់ភ្នំនៃNorth Ossetia - Alania នៅព្រឹកនេះ (១១មិថុនា) ដោយបានសម្លាប់នាវិកទាំងមូល។

យន្តហោះទម្លាក់គ្រាប់បែក SU-34 របស់រុស្ស៊ី។ រូបថត៖Sputnik

ទីភ្នាក់ងារសារព័ត៌មានTassបានដកស្រង់សេចក្តីថ្លែងការណ៍របស់ក្រសួងការពារជាតិរុស្ស៊ីដែលនិយាយថា យន្តហោះទម្លាក់គ្រាប់បែកបានធ្លាក់ ខណៈកំពុងចូលរួមក្នុងបេសកកម្មហ្វឹកហ្វឺនតាមទម្លាប់កាលពីថ្ងៃទី ១១ ខែមិថុនា។ ទោះបីជាយន្តហោះ Su-34 បានធ្លាក់នៅក្នុងតំបន់ដែលគ្មានមនុស្សរស់នៅក៏ដោយ ។ប៉ុន្តែអ្នកបើកបរទាំងពីរនៅលើយន្តហោះត្រូវបានសម្លាប់។ ការស៊ើបអង្កេតបឋមបង្ហាញថាមូលហេតុនៃគ្រោះថ្នាក់នេះគឺដោយសារបញ្ហាបច្ចេកទេស។យោងតាមសារព័ត៌មានRTកន្លែងកើតហេតុឧបទ្ទវហេតុគ្រោះថ្នាក់នេះ ស្ថិតនៅក្នុងតំបន់ North Caucasus ជាប់ព្រំដែន South Ossetia និង Georgia នៅភាគខាងត្បូង។Su-34 គឺជាយន្តហោះទម្លាក់គ្រាប់បែកល្បឿនលឿនជាងសំឡេងដែលមានសមត្ថភាពវាយប្រហារគោលដៅនៅលើដីជាមួយនឹងគ្រាប់បែក និងកាំជ្រួចដែលមានភាពជាក់លាក់ខ្ពស់។ យោធារុស្ស៊ីបានប្រើប្រាស់ Su-34 ក្នុងបេសកកម្មប្រយុទ្ធជាច្រើននៅក្នុងប្រទេសស៊ីរី និងអ៊ុយក្រែន។ឧបទ្ទវហេតុជាមួយ Su-34 បានកើតឡើងត្រឹមតែពីរខែប៉ុណ្ណោះ បន្ទាប់ពីយន្តហោះទម្លាក់គ្រាប់បែកយុទ្ធសាស្ត្ររយៈចម្ងាយឆ្ងាយ Tu-22M3 របស់រុស្ស៊ីបានធ្លាក់នៅភាគខាងត្បូងនៃប្រទេស ខណៈពេលដែលត្រឡប់មកពីការវាយប្រហារតាមអាកាសក្នុងប្រទេសអ៊ុយក្រែនដោយបានសម្លាប់មនុស្ស២នាក់ក្នុងចំណោមសមាជិកនាវិកទាំង៤នាក់។នៅក្នុងខែតុលា ឆ្នាំ២០២២យន្តហោះ Su-34 របស់រុស្ស៊ីមានបញ្ហាម៉ាស៊ីន ហើយបានធ្លាក់ចូលទៅក្នុងអគារផ្ទះល្វែងមួយនៅក្នុងទីក្រុង Yeysk ភាគខាងត្បូង ដោយបានសម្លាប់មនុស្ស១៦នាក់។ ទោះបីជាយ៉ាងណាក៏ដោយអ្នកបើកយន្តហោះទាំងពីរនាក់បានរួចជីវិតពីហេតុការណ៍នោះ៕ពុតសាម៉ាត់