នាយ​ក​រដ្ឋមន្ត្រី​ហុងគ្រី​បញ្ជាក់​​ពី​មូលហេតុ​ដែល​រុស្ស៊ី​មិន​​វាយប្រហារ​ណាតូ

 នាយករដ្ឋមន្ត្រីហុងគ្រីលោក Viktor Orban បាននិយាយថា ការព្រួយបារម្ភដែលថារុស្ស៊ីនឹងវាយប្រហារសមាជិកណាតូគឺគ្មានមូលដ្ឋាន។

នាយករដ្ឋមន្ត្រីហុងគ្រីលោក Viktor Orban ។Reuters

យោងតាមទីភ្នាក់ងារសារព័ត៌មានReutersនៅក្នុងសេចក្តីថ្លែងការណ៍មួយនៅថ្ងៃនេះ (ថ្ងៃទី២៤ឧសភា) នាយករដ្ឋមន្ត្រីហុងគ្រី លោក Orban បានសង្កត់ធ្ងន់ថាជម្លោះក្នុងប្រទេសអ៊ុយក្រែនឈានចូលដល់ឆ្នាំទី៣របស់ខ្លួនបង្ហាញពីដែនកំណត់នៃសមត្ថភាពរបស់រុស្ស៊ី។ហុងគ្រីដែលជាប្រទេសសមាជិកក្នុងសហភាពអឺរ៉ុប(EU)និងណាតូបានបដិសេធមិនផ្តល់ជំនួយផ្នែកយោធាដល់អ៊ុយក្រែនចាប់តាំងពីជម្លោះរុស្ស៊ីនិងអ៊ុយក្រែនបានផ្ទុះឡើងក្នុងខែកុម្ភៈ ឆ្នាំ២០២២។ ទីក្រុង Budapest ក៏​បាន​ព្យាយាម​បដិសេធ​ផែនការ​រយៈពេល​វែង​របស់​អង្គការ​ណាតូ​ក្នុង​ការ​គាំទ្រអ៊ុយក្រែន។“កងទ័ពរុស្ស៊ីកំពុងប្រយុទ្ធនឹងសង្រ្គាមដ៏ធ្ងន់ធ្ងរ និងលំបាកជាមួយអ៊ុយក្រែន។លោក Orban បាន​និយាយ​ថាប្រសិន​បើ​រុស្ស៊ី​មាន​កម្លាំង​គ្រប់គ្រាន់​ក្នុង​ការ​ឈ្នះ​អ៊ុយក្រែន​ដោយ​ការ​វាយ​ប្រហារ​មួយ នោះ​ពួកគេ​នឹង​ធ្វើ​ដូច្នេះ»។យោងតាមមេដឹកនាំហុងគ្រី សមត្ថភាពយោធារបស់ណាតូលើសពីអ៊ុយក្រែន។ដូច្នេះហើយ វាមិនទំនងដែលរុស្ស៊ីឬប្រទេសណាមួយនឹងបើកការវាយប្រហារប្រឆាំងណាតូនោះទេ។«ខ្ញុំ​គិត​ថាវា​ជា​រឿង​មិន​ទំនង​ទាល់​តែ​សោះ​ដែល​រុស្ស៊ី​ជា​ប្រទេស​មិន​ទាន់​ឈ្នះ​នៅ​អ៊ុយក្រែនស្រាប់តែ​មក​លេប​យក​ពិភព​លោក​ខាង​លិច​ទាំង​មូល។លោកOrbanបន្ថែមថាឱកាសនៃការកើតឡើងនោះមានតិចតួចណាស់។លោកក៏បានចាត់ទុកសេចក្តីថ្លែងការណ៍ដែលលើកឡើងពីការគំរាមកំហែងពីរុស្ស៊ីថាជាការនាំមុខដល់អន្តរាគមន៍របស់លោកខាងលិចកាន់តែស៊ីជម្រៅនៅក្នុងជម្លោះអ៊ុយក្រែន។ទំនាក់ទំនងរវាងទីក្រុង Budapest និង Washingtonកាន់តែតានតឹងដោយសារតែការពន្យារពេលរបស់ប្រទេសហុងគ្រីក្នុងការផ្តល់សច្ចាប័នលើសមាជិកភាពរបស់ស៊ុយអែតក្នុងអង្គការ ណាតូនិងទំនាក់ទំនងជិតស្និទ្ធរបស់នាយករដ្ឋមន្ត្រី Orban ជាមួយរុស្ស៊ី ទោះបីជាមានជម្លោះនៅអ៊ុយក្រែនក៏ដោយ៕ពុតសាម៉ាត់