តើរដ្ឋាភិ​​​បាលកម្ពុជាប្រើយុទ្ធ​សាស្ត្រអ្វីខ្លះដើ​ម្បីកសាង​ភាពធ​ន់នៃសេដ្ឋកិច្ច​បញ្ចៀសនូវផល​ប៉ះ​ពាល់ពីឥទ្ធពលបរ​ទេស?

ស្ថិតនៅក្នុងកាលៈទេសៈដែលសេដ្ឋកិច្ចនិងសង្គមកម្រិតសកលនិងតំបន់នានាមានហានិភ័យរដ្ឋាភិបាលកម្ពុជាបានបង្ហាញយុទ្ធសាស្ត្រនៅក្នុងការជំរុញកំណើនសេដ្ឋកិច្ចក្នុងស្រុកឱ្យកាន់តែមានសន្ទុះកាន់តែខ្លាំងក្លា ដែលបញ្ចៀសអោយបាននូវផលប៉ះពាល់ទាំងនោះពីក្រៅប្រទេស។យោងតាមផែនការយុទ្ធសាស្ត្រថវិកាជាតិសម្រាប់ឆ្នាំ២០២៥ខាងមុខនេះ រដ្ឋាភិបាលកម្ពុជានឹងបន្តជំរុញការកែទម្រង់ជារចនាសម្ព័ន្ធ និងជាប្រព័ន្ធ ព្រមទាំងពង្រឹងការកសាងភាពធន់នៃសេដ្ឋកិច្ច និងសង្គមឱ្យកាន់តែរឹងមាំ និងមានភាពឆ្លើយតបខ្ពស់ តាមរយៈការងារអាទិភាព ដូចខាងក្រោមនេះ៖

១៖ការអភិវឌ្ឍមូលធនមនុស្ស តាមរយៈការពង្រឹងគុណភាពវិស័យអប់រំ, កីឡា,វិទ្យាសាស្ត្រ,និងបច្ចេកវិទ្យានិងការបណ្តុះបណ្តាលជំនាញបច្ចេកទេស។២៖ ការធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែង តាមរយៈការអភិវឌ្ឍវិស័យនៃប្រភពកំណើន សេដ្ឋកិច្ចគន្លឹះ និងថ្មីៗ; ការលើកកម្ពស់វិស័យថាមពល, វិស័យទឹកស្អាត និងវិស័យឌីជីថល; ការកែលម្អបរិយាកាសធុរកិច្ច និង ការវិនិយោគ។

៣៖ការអភិវឌ្ឍវិស័យឯកជន និងការងារ តាមរយៈការអភិវឌ្ឍទីផ្សារការងារ; ការលើកស្ទួយសហគ្រាស ធុនតូច និងមធ្យម, ធុរកិច្ចថ្មី, ការពង្រឹងការប្រកួតប្រជែង និងយន្តការសេដ្ឋកិច្ចទីផ្សារ។

៤៖ ការអភិវឌ្ឍប្រកបដោយភាពធន់, ចីរភាព និងបរិយាប័ន្ន តាមរយៈ ការពង្រឹងភាពធន់ប្រជាសាស្ត្រ , ការគ្រប់គ្រងធនធានធម្មជាតិ, វប្បធម៌ និងទេសចរណ៍ ការលើកស្ទួយកសិកម្ម និងការប្រែប្រួលអាកាសធាតុ ។

៥៖ការអភិវឌ្ឍសេដ្ឋកិច្ច និងសង្គមឌីជីថល តាមរយៈការកសាងរដ្ឋាភិបាល និងពលរដ្ឋឌីជីថល; ការអភិវឌ្ឍធុរកិច្ចឌីជីថល, ការកសាង និងអភិវឌ្ឍហេដ្ឋារចនាសម្ព័ន្ធឌីជីថលនិងការអភិវឌ្ឍបច្ចេកវិទ្យាហិរញ្ញវត្ថុ៕AKP