ទំហំ​ពា​ណិជ្ជកម្ម​ទ្វេភាគី​រវាង​សាធា​រណរដ្ឋ​កូរ៉េ​និង​កម្ពុជា​​ឈាន​ដល់​ប្រមាណ​​៧​៥​១​លាន​​ដុល្លារ​

 កាល​ពីម្សិលមិញនេះ​សម្តេចធិបតី ​ហ៊ុន​ ​ម៉ា​ណែ​ត​នាយក​រដ្ឋ​ម​ន្រ្តីកម្ពុជាបាន​មានប្រសាសន៍​ថា​ទំហំ​ពាណិជ្ជកម្ម​ទ្វេភាគី​រវាង​សាធារណរដ្ឋ​កូរ៉េ​ ​និង​កម្ពុជា​ ​ឈាន​ដល់​ប្រមាណ​ ​៧​៥​១​ ​លាន​ដុល្លារ​ខណៈ​ដែល​ការ​វិនិយោគ​ផ្ទាល់​ពី​បរទេស​ (​F​D​I​) ​របស់​កូរ៉េ​នៅ​ក្នុង​ព្រះរាជាណាចក្រកម្ពុជា​ ​មាន​ចំនួន​ ​៣​០​លាន​ដុល្លារ​ ​កាលពីឆ្នាំមុន​ ​ដែល​នាំ​ឱ្យ ​F​D​I​ ​សរុប​ពី​ប្រទេស​កូរ៉េ​ ​កើន​ដល់​ ​៥​​ពាន់​លាន​ដុល្លារ​។​សម្តេចធិបតី​បាន​ថ្លែង​បែប​នេះ​ក្នុង​ឱកាស​អញ្ជើញ​ជា​អធិបតី​ក្នុង​វេទិកា​ធុរកិច្ច​កម្ពុជា​-​កូរ៉េ​ (​Cam​bo​d​i​a​-K​ore​a​ ​Business​ ​Forum​-CKB​F​) ​ដោយមាន​ការចូលរួម​ពី​អ្នក​វិនិយោគ​ជាង​ ​៣​០​០​ ​តំណាង​ឱ្យ​ក្រុមហ៊ុន​ចំនួន​ ​១​៩​៨​។​ សម្តេចនាយករដ្ឋមន្ត្រី​ កំពុង​បំពេញ​ទស្សនកិច្ច​ផ្លូវការ​នៅ​ទីក្រុង​សេអ៊ូល​ ​ពី​ថ្ងៃ​ទី​ ​១​៥​ ​ដល់​ ​១​៨​ ​ឧសភា​។​

វេទិកា​នេះ​ក៏មាន​វត្តមាន​ចូលរួម​ពី​លោក​ ​ស៊ុន​ ​ចាន់​ថុល​ ​ឧបនាយករដ្ឋមន្ត្រី​ ​និង​ជា​អនុប្រធាន​ទី​១​ ​ក្រុមប្រឹក្សាអភិវឌ្ឍន៍​កម្ពុជា​ ​លោក​ ​សុខ​ ​ចិន្តា​សោភា​ ​ឧបនាយករដ្ឋមន្ត្រី​ ​រដ្ឋមន្ត្រីក្រសួងការបរទេស​ ​និង​សហប្រតិបត្តិការ​អន្តរជាតិ​ ​រួម​ជាមួយ​លោកស្រី​ ​ជា​ ​សិរី​ ​ទេសាភិបាល​ធនាគារជាតិនៃកម្ពុជា​ ​និង​លោក​ ​គិត​ ​ម៉េង​ ​ប្រធាន​សភា​ពាណិជ្ជកម្ម​កម្ពុជា​។​សម្តេច​ហ៊ុន​ ​ម៉ា​ណែ​ត​ ​បាន​មានប្រសាសន៍ថា​ “​សាធារណរដ្ឋ​កូរ៉េ​ ​គឺជា​ដៃគូ​ពាណិជ្ជកម្ម​ ​និង​វិនិយោគ​ធំបំផុត​មួយ​របស់​ព្រះរាជាណាចក្រកម្ពុជា​ ​ដែល​មាន​ទំហំ​ពាណិជ្ជកម្ម​ទ្វេភាគី​សរុប​ប្រមាណ​ ​៧​៥​១​ ​លាន​ដុល្លារ​ ​ជាប់​ចំណាត់ថ្នាក់​ទី​ ​១​១​ ​ក្នុងចំណោម​ដៃគូ​ពាណិជ្ជកម្ម​របស់​កម្ពុជា​ក្នុង​ឆ្នាំ​ ​២​០​២​៣​”​។​សម្តេចបាន​បន្ថែម​ថា​ ​ការ​វិនិយោគ​ផ្ទាល់​ពី​បរទេស​ (​F​D​I​) ​ពី​ប្រទេស​កូរ៉េ​កាលពីឆ្នាំមុន​មាន​ចំនួន​ ​៣​០​ ​លាន​ដុល្លារ​ ​ជាមួយនឹង​ទំហំ​វិនិយោគ​សរុប​ចំនួន​ ​៥​ ​ពាន់​លាន​ដុល្លារ​ ​ដែល​ជាប់​ចំណាត់ថ្នាក់​ទី​៩​ ​ក្នុង​ឆ្នាំ​២​០​២​៣​។​ ​ប្រទេស​ទាំង​ពី​​​រ​ក៏បាន​ចុះហត្ថលេខា​លើ​កិច្ចព្រមព្រៀង​ពាណិជ្ជកម្ម​សេរី​កម្ពុជា​-​កូរ៉េ​ (CK​F​T​A​) ​កាលពី​ខែ​ធ្នូ​ ​ឆ្នាំ​ ​២​០​២​២​។​សម្តេចនាយករដ្ឋមន្ត្រី​បាន​សង្កត់ធ្ងន់​ថា​ CK​F​T​A​ ​នឹង​ត្រួសត្រាយផ្លូវ​សម្រាប់​ពាណិជ្ជករ​កូរ៉េ​ក្នុង​ការ​វិនិយោគ​ ​និង​ធ្វើ​ពាណិជ្ជកម្ម​ជាមួយ​ក្រុមហ៊ុន​ក្នុងស្រុក​ក្នុង​ព្រះរាជាណាចក្រកម្ពុជា​ ​រួម​ជាមួយនឹង​សម្បទាន​វិនិយោគ​របស់​រាជរដ្ឋាភិបាល​កម្ពុជា​ ​ដែល​នឹង​ផ្តល់​លក្ខខណ្ឌ​ពិសេស​ជាច្រើន​ ​ដើម្បី​សម្រួល​ដល់​ការ​វិនិយោគ​បរទេស​។​បន្ទាប់ពី​វេទិកា​ធុរកិច្ច​រួចមក​សម្តេច​នាយករដ្ឋមន្ត្រី​បាន​បន្ត​ធ្វើជា​សាក្សី​ក្នុង​ពិធី​ចុះហត្ថលេខា​លើ​អនុស្សរណៈ​នៃ​ការយោគយល់​គ្នា​ (​M​oU) ​ចំនួន​៤​ និង​កិច្ចព្រមព្រៀង​ចំនួន​ពីរ​ផ្សេងទៀត​ ​ដោយ​ ​ទី​១​៖​ ​អនុស្សរណៈ​នៃ​ការយោគយល់​គ្នា​ ​រវាង​សភា​ពាណិជ្ជកម្ម​កម្ពុជា​ ​និង​សភា​ពាណិជ្ជកម្ម​ ​និង​ឧស្សាហកម្ម​នៃ​សាធារណរដ្ឋ​កូរ៉េ​។​ទី​២​ ​ទី​៣​ ​និង​ទី​៤​ ​ត្រូវ​បាន​ចុះហត្ថលេខា​ដោយ​លោកស្រី​ទេសាភិបាល​ធនាគារជាតិនៃកម្ពុជា​ ​ជាមួយ​ធនាគារ​ JB ​Financial​ ​Group​ ​Co​ ​L​t​d​ ​ធនាគារ​ KB Kook​m​in​ ​Bank​ ​Co​ ​L​t​d​ ​និង​ធនាគារ​ ​Woo​r​i​ ​Bank​ ​និង​ទី​៥​ ​ត្រូវ​បាន​ចុះហត្ថលេខា​ដោយ​ ​ការិយាល័យ​ឥណទាន​កម្ពុជា​ ​ជាមួយ​ ​ការិយាល័យ​ឥណទាន​កូរ៉េ​ ​និង​ធនាគារ​ J​e​onbuk ​Bank​ ​Co​ ​L​t​d​ ​ខណៈ​ដែល​ ​M​oU ​ចុងក្រោយ​ត្រូវ​បាន​ចុះហត្ថលេខា​រវាង​ក្រុមហ៊ុន​ ​World​bridge​ ​Group​ ​និង​ ​ក្រុមហ៊ុន​ ​D​a​e​woo​ ​E​&C ​។​បន្ទាប់ពី​វេទិកា​ធុរកិច្ច​កម្ពុជា​-​សាធារណរដ្ឋ​កូរ៉េ​ ​សម្តេច​ធិ​ប​តី​នាយក​រដ្ឋ​ម​ន្រ្តី ​បាន​បន្ត​ជា​កិត្តិយស​អញ្ជើញ​ជា​អធិបតី​ក្នុង​ពិធី​ចុះ​អនុស្សរណៈ​យោគ​យល់គ្នា​លើ​ឯកសារ​ចំនួន​ ​៦​ ​ដូចជា​៖​លោកស្រី​ទេសាភិបាល​ធនាគារជាតិនៃកម្ពុជា​ ​បាន​សរសេរ​នៅ​លើ​ប្រព័ន្ធ​ផ្សព្វផ្សាយ​សង្គម​របស់​គាត់​ថា​ “​កិច្ចព្រមព្រៀង​ចំនួន​បី​ត្រូវ​បាន​ចុះហត្ថលេខា​ជាមួយ​ស្ថាប័ន​ហិរញ្ញវត្ថុ​កូរ៉េ​ ​រួម​មាន​ធនាគារ​ JB ​ធនាគារ​ Kook​m​in​ ​និង​ធនាគារ​ ​Woo​r​i​ ​ដើម្បី​លើក​ក​ម្ពស់​បន្ថែម​លើ​ការ​ទូទាត់​ QR ​ឆ្លង​ព្រំដែន​ ​និង​ការផ្ទេរ​ប្រាក់​សម្រាប់​ពលករ​ចំណាកស្រុក​របស់យើង​”​។​​លោកស្រី​បាន​បន្ថែម​ថា​ ​កិច្ចព្រមព្រៀង​មួយទៀត​គឺ​រវាង​ការិយាល័យ​ឥណទាន​កម្ពុជា​ ​និង​ការិយាល័យ​ឥណទាន​កូរ៉េ​ ​និង​ធនាគារ​ J​e​onbuk ​Bank​ ​L​t​d​ ​ដើម្បី​លើក​ក​ម្ពស់​លទ្ធភាព​ទទួល​បាន​សេវា​ហិរញ្ញវត្ថុ​ដល់​ប្រជាពលរដ្ឋ​ក្នុង​ព្រះរាជាណាចក្រកម្ពុជា​ ​និង​ប្រទេស​កូរ៉េ​។​យោង​តាម​សេចក្តីប្រកាស​ព័ត៌មាន​របស់​ធនាគារជាតិនៃកម្ពុជា​បាន​ឱ្យ​ដឹង​ថា​ ​ធនាគារជាតិនៃកម្ពុជា​បាន​ចុះ​អនុស្សរណៈ​ចំនួន​បី​ជាមួយ​ធនាគារ​ Koo​m​in​ ​Bank​ ​Co​ ​L​t​d​ ​ស្ថាប័ន​ហិរញ្ញវត្ថុ​JB ​Financial​ ​Group​ ​Co​ ​L​t​d​ ​និង​ធនាគារ​ ​Woo​r​i​ ​ស្តីពី​ “​ការ​ទូទាត់​កូ​ដ​ QR ​ឆ្លង​ព្រំដែន​”( ​Cross​-​Border​ QR ​Code​ ​Payment​)​។​ ​ជាមួយគ្នា​នេះ​ ​ការិយាល័យ​ឥណទាន​ (ខេ​ម​បូ​ឌា) ខូអិ​ល​ធី​ឌី​ ​បាន​ចុះហត្ថលេខា​លើ​ ​M​oU ​ជាមួយ​ការិយាល័យ​ឥណទាន​កូរ៉េ​ ​និង​ធនាគារ​ J​e​onbuk ​Bank​ ​Co​ ​L​t​d​ ​ស្តីពី​ “​ការ​ចែករំលែក​របាយការណ៍​ឥណទាន​ឆ្លង​ព្រំដែន​”( ​Cross​-​Border​ ​Credit​ ​Report​ ​Sharing​) ​រវាងប្រទេស​ទាំងពីរ​។​​អនុស្សរណៈ​នៃ​ការយោគយល់​គ្នា​ ​ទាំងនេះ​ ​មាន​គោលដៅ​ពង្រឹង​ប្រព័ន្ធ​ទូទាត់​ដោយ​សង្កត់ធ្ងន់​លើ​សុវត្ថិភាព​ ​និង​ប្រសិទ្ធ​ភាព​ ​ដើម្បី​ជំរុញ​ការ​ចែករំលែក​របាយការណ៍​ឥណទាន​ ​និង​សម្រួល​ដំណើរការ​ផ្តល់​បន្ទុក​ ​ជាពិសេស​សម្រាប់​ពលករ​ចំណាកស្រុក​នៅ​ក្រៅ​ប្រទេស​ ​ដែល​អាច​ឱ្យ​ពួកគេ​ផ្ញើ​ប្រាក់​ទៅ​គ្រួសារ​របស់​ពួកគេ​ ​ខណៈ​ជួយ​ដល់​សកម្មភាព​ទេសចរណ៍​ ​និង​ពាណិជ្ជកម្ម​ផង​ដែរ៕KhmerTimes