រថក្រោះ​អ៊ីស្រាអែល​​​បាន​បាញ់​សមមិត្ត​របស់​​ខ្លួន​ដោ​យ​ច្រឡំដោយ​​សម្លាប់​ទាហា​ន​៥​​នាក់​នៅ​​ហ្គាហ្សា​ស្ទ្រីប

 កងទ័ពអ៊ីស្រាអែលបាននិយាយនៅថ្ងៃនេះ(១៦ឧសភា)ថាទាហាន៥នាក់ត្រូវបានសម្លាប់នៅភាគខាងជើងហ្គាហ្សាស្ទ្រីបនៅពេលដែលពួកគេត្រូវបានវាយប្រហារដោយរថក្រោះអ៊ីស្រាអែលដោយច្រឡំ។

ទាហាន​អ៊ីស្រាអែល​៥​នាក់​បាន​ស្លាប់​។ រូបថត៖ កងទ័ពអ៊ីស្រាអែល

ទីភ្នាក់ងារសារព័ត៌មានReutersបានដកស្រង់សេចក្តីថ្លែងការណ៍របស់កងទ័ពអ៊ីស្រាអែលថា"រថក្រោះនៃកងវរសេនាតូចលេខ២០២បានបើកការបាញ់ប្រហារដោយសម្លាប់ទាហាន ៥នាក់និងរបួសជាច្រើននាក់ទៀត។ទាហានត្រូវបានជម្លៀសទៅព្យាបាល ក្រុមគ្រួសាររបស់ពួកគេ" ។ក្នុង​ខែ​នេះ កងទ័ព​អ៊ីស្រាអែល​បាន​ចូល​ទៅ​តំបន់​ភាគ​ខាង​ជើង​នៃ​តំបន់ហ្គាហ្សាស្ទ្រីបដើម្បី​បង្ក្រាប​កិច្ច​ប្រឹងប្រែង​របស់​ក្រុម​ប្រដាប់​អាវុធ​អ៊ីស្លាម​ហាម៉ាស់ដែល​ប្រមូល​ផ្តុំ​ឡើង​វិញ។យោងតាមកាសែត TimesofIsraelទាហានអ៊ីស្រាអែលដែលបានស្លាប់គឺជាសមាជិកនៃកងវរសេនាតូចលេខ២០២នៃកងពលតូចឆ័ត្រយោង។ ក្រៅ​ពី​នេះទាហាន ៧​នាក់​ផ្សេង​ទៀត​បាន​រង​របួស។ព័ត៌មានស៊ើបអង្កេតដំបូង បាននិយាយថា រថក្រោះដែលប្រតិបត្តិការជាមួយទាហានឆ័ត្រយោងនៅក្នុងជំរុំជនភៀសខ្លួន Jabaliyaបានបាញ់ផ្លោងពីរគ្រាប់ចូលទៅក្នុងអគារដែលទាហានអ៊ីស្រាអែលប្រមូលផ្តុំនៅម៉ោងប្រហែល៧:០០យប់ (ម៉ោងក្នុងតំបន់) នៅថ្ងៃទី ១៥/៥ ។កន្លងមក កងកម្លាំងរថក្រោះបានមកដល់ជំរំជនភៀសខ្លួន Jabaliya នៅពេលព្រឹក។ប៉ុន្មានម៉ោងក្រោយមកទាហានឆ័ត្រយោងក៏បានមកដល់តំបន់នេះហើយបានបោះជំរំនៅក្នុងអគារមួយ។នៅពេលល្ងាចទាហានឆ័ត្រយោងមួយក្រុមទៀតបានមកដល់តំបន់នោះហើយបានជូនដំណឹងដល់រថក្រោះទាំងពីរនៅទីនោះថាពួកគេកំពុងចូលទៅក្នុងអគារ។បន្ទាប់មកកងកម្លាំងរថក្រោះបានប្រទះឃើញចុងកាំភ្លើងមួយចង្អុលពីបង្អួចមួយនៃអគារ។ដោយជឿថាវាជាកងទ័ពសត្រូវរថក្រោះអ៊ីស្រាអែលបានបាញ់ផ្លោងពីរគ្រាប់។ឧប្បត្តិហេតុនេះកំពុងត្រូវបានស៊ើបអង្កេតបន្ថែមដោយកងទ័ពអ៊ីស្រាអែល៕ពុតសាម៉ាត់