អង់គ្លេស​​និង​ចិន​កំ​ពុង​តានតឹ​ង​ជុំវិញ​ការ​អត្ថាធិប្បាយ​​អំពី​ជម្លោះ​នៅ​អ៊ុយក្រែន

 អ្នកនាំពាក្យស្ថានទូតចិនប្រចាំនៅចក្រភពអង់គ្លេសបានអំពាវនាវឱ្យទីក្រុងឡុងដ៍បញ្ឈប់ការចោទប្រកាន់ដោយគ្មានមូលដ្ឋានលើទីក្រុងប៉េកាំងនិងបញ្ឈប់ "ការបន្ថែមប្រេងដល់ភ្លើង" ជាមួយនឹងជម្លោះរុស្ស៊ី-អ៊ុយក្រែន។

យោងតាមទីភ្នាក់ងារសារព័ត៌មានReutersប្រតិកម្មរបស់ចិនកាលពីថ្ងៃទី២៤ ខែឧសភាគឺឆ្លើយតបទៅនឹងសេចក្តីថ្លែងការណ៍កាលពី២ថ្ងៃមុនដោយរដ្ឋមន្ត្រីការពារជាតិអង់គ្លេសលោក Grant Shapps។ នៅក្នុងសន្និសីទសារព័ត៌មាននៅទីក្រុងឡុងដ៍កាលពីថ្ងៃទី២២ ឧសភា លោកShappsបានចោទប្រកាន់ទីក្រុងប៉េកាំងថាកំពុងរៀបចំផ្តល់ឱ្យរុស្ស៊ីនូវអាវុធដ៍សាហាវដែលអាចប្រើក្នុងប្រតិបត្តិការយោធាពិសេសនៅអ៊ុយក្រែន។រដ្ឋមន្ត្រីការពារជាតិអង់គ្លេសបាននិយាយថា ភ្នាក់ងារចារកម្មនៃប្រទេសនេះ និងសហរដ្ឋអាមេរិកមានភស្តុតាងនៃរឿងនោះ។ទោះ​ជា​យ៉ាង​ណា លោក​មិន​បាន​ផ្សព្វផ្សាយ​ភស្តុតាង​ណា​មួយ​សម្រាប់​ការ​ចោទ​ប្រកាន់​របស់​លោក​ឡើយ។ឆ្លើយ​តប​នឹង​សំណួរ​របស់​អ្នក​សារព័ត៌មាន​នៅ​ថ្ងៃ​ទី​២៤ ឧសភាអ្នក​នាំ​ពាក្យ​ស្ថានទូត​ចិន​ប្រចាំ​ចក្រភព​អង់គ្លេស​បាន​ថ្កោលទោស​ការ​លើក​ឡើង​របស់​លោកShapps។អ្នកនាំពាក្យរូបនេះបាននិយាយថា "យើងអំពាវនាវឱ្យចក្រភពអង់គ្លេសបញ្ឈប់ការចោទប្រកាន់ដោយគ្មានមូលដ្ឋានលើប្រទេសចិនបញ្ឈប់ការបន្ថែមប្រេងដល់ភ្លើងលើបញ្ហាអ៊ុយក្រែន និងឆ្លុះបញ្ចាំងយ៉ាងយកចិត្តទុកដាក់លើតួនាទីរបស់ខ្លួនក្នុងសន្តិភាព និងសន្តិសុខអន្តរជាតិហើយពិតជាធ្វើអ្វីមួយសម្រាប់សន្តិភាព និងយុត្តិធម៌ពិភពលោក" ។ តំណាងបេសកកម្មការទូតរបស់ទីក្រុងប៉េកាំងនៅទីក្រុងឡុងដ៍បានកត់សម្គាល់បន្ថែមទៀតថា៖«ចំពោះបញ្ហាអ៊ុយក្រែនចិនតែងតែរក្សាគោលជំហរប្រកបដោយភាពយុត្តិធម៌សកម្មជំរុញការចរចាដោយសន្តិវិធីនិងជំរុញដំណោះស្រាយនយោបាយ។ទាក់ទិននឹងការនាំចេញផលិតផលយោធាប្រទេសចិនតែងតែប្រកាន់យកនូវអាកប្បកិរិយាប្រុងប្រយ័ត្ននិងការទទួលខុសត្រូវ ហើយតែងតែគ្រប់គ្រងការនាំចេញទំនិញប្រើប្រាស់ពីរដងស្របតាមច្បាប់ និងបទប្បញ្ញត្តិ។ប្រទេសចិនបានពង្រឹងទំនាក់ទំនងពាណិជ្ជកម្ម និងយោធាជាមួយរុស្ស៊ីក្នុងរយៈពេលប៉ុន្មានឆ្នាំចុងក្រោយនេះខណៈដែលសហរដ្ឋអាមេរិកនិងសម្ព័ន្ធមិត្តរបស់ខ្លួនបានដាក់ទណ្ឌកម្មនិងការរឹតបន្តឹងលើប្រទេសទាំងពីរ។ជាពិសេសដោយសារតែជម្លោះនៅអ៊ុយក្រែន។នៅក្នុងខែកុម្ភៈ ឆ្នាំ ២០២២ប្រទេសចិន និងរុស្ស៊ីបានប្រកាសថាពួកគេនឹងក្លាយជា "ដៃគូគ្មានដែនកំណត់" ។ប្រធានាធិបតីរុស្ស៊ីលោកVladimir Putin បានទៅដល់ប្រទេសចិនកាលពីថ្ងៃទី១៦ឧសភាក្នុងដំណើរបំពេញទស្សនកិច្ចក្រៅប្រទេសលើកដំបូងរបស់លោកបន្ទាប់ពីចូលកាន់តំណែងជាមេដឹកនាំវិមានក្រឹមឡាំងអាណត្តិទី៥និងក៏ជាដំណើរទស្សនកិច្ចលើកទី២របស់លោកទៅកាន់ប្រទេសចិនក្នុងរយៈពេល៦ខែមុន។ លោកPutin បានបញ្ជាក់ថា ដំណើរទស្សនកិច្ចនេះមានគោលបំណងលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយទ្វេភាគីក៏ដូចជាបញ្ជាក់ពីទំនាក់ទំនងមិត្តភាពដ៏ល្អដែលមិនធ្លាប់មានពីមុនមករវាងរុស្ស៊ីនិងចិននិងភាពជិតស្និទ្ធរវាងលោកនិងប្រធានាធិបតីចិន លោកXi Jinping៕ពុតសាម៉ាត់