សម្តេចនាយករដ្ឋមន្ត្រី ហ៊ុន ម៉ាណែត ដឹកនាំកិច្ចប្រជុំឧត្តមក្រុមប្រឹក្សាពិគ្រោះ និងផ្ដល់យោបល់ ប្រចាំឆមាស ជាលើកទី២ដើម្បីប្រមូលធាតុចូលក្នុងន័យស្ថាបនាបញ្ហាសង្គមនាពេលបច្ចុប្បន្ននិងចក្ខុវិស័យរបស់គណបក្សនយោបាយដែលជាសមាជិក។កិច្ចប្រជុំប្រចាំឆមាស លើកទី២ របស់ឧត្តមក្រុមប្រឹក្សាពិគ្រោះ និងផ្ដល់យោបល់ ធ្វើឡើងនៅវិមានសន្តិភាព កាលពីថ្ងៃសុក្រ ដែលមានគណបក្សនយោបាយចូលរួមចំនួន ២៩គណបក្ស និងភាគីពាក់ព័ន្ធជាច្រើនរយនាក់។សម្តេចហ៊ុន ម៉ាណែត បញ្ជាក់ថា កិច្ចប្រជុំខាងលើនេះ គឺជាលើកទី២ ដែលលោកបានជួបប្រជុំជាមួយឧត្ដមក្រុមប្រឹក្សាពិគ្រោះ និងផ្តល់យោបល់ ដែលជាយន្តការប្រមូលផ្តុំពហុគំនិតជូនរដ្ឋាភិបាលក្រៅក្របខណ្ឌសភា ក្នុងគោលដៅលើកស្ទួយប្រជាធិបតេយ្យ និងប្រសិទ្ធភាពការងារ ដើម្បីជាប្រយោជន៍ដល់ប្រជាជន និងសង្គមជាតិ ។
 |
|
លោក ឈឹម ផលវរុណ ប្រធានលេខាធិការដ្ឋាននៃឧត្តមក្រុមប្រឹក្សាពិគ្រោះ និងផ្តល់យោបល់ បានឱ្យដឹងថា ក្នុងកិច្ចប្រជុំបានផ្តល់ឱកាសឱ្យប្រធានប្រតិភូគណបក្សរួមចំណែកផ្តល់ធាតុចូលក្នុងន័យស្ថាបនាអំពីបច្ចុប្បន្នភាពសង្គមរយៈពេល៦ខែ ដើមអាណត្តិទី៧ និងចក្ខុវិស័យនៃការរំពឹងទុកដោយប្រធានប្រតិភូគណបក្សនីមួយ។លោកបន្ថែមថា គិតត្រឹមរយៈពេល៦ខែ ដើមអាណត្តិទី៧ នៃរដ្ឋាភិបាល មានគណបក្សនយោបាយ ២៩បានចូលជាសមាជិកឧត្តមក្រុមប្រឹក្សាពិគ្រោះ និងផ្ដល់យោបល់។លោកបន្តថា ក្នុងរយៈពេល៦ខែ ដើមអាណត្តិថ្មីនេះ គណបក្សនយោបាយដែលជាសមាជិកបានធ្វើការជាច្រើនដោយអនុវត្តតាមបទបញ្ញាត ដែលផ្ដល់លទ្ធភាពជាច្រើនឱ្យប្រតិភូគណបក្សនីមួយៗផ្ដល់ធាតុចូលជូនរដ្ឋាភិបាល ដើម្បីកែលម្អបញ្ហាខ្វះខាតរបស់សង្គម។លោកថា ការផ្ដល់ធាតុចូលមិនមែនជាយន្តការដោះស្រាយនោះទេ ព្រោះផ្អែកលើរដ្ឋធម្មនុញ្ញកម្ពុជាមានអំណាចធំៗចំនួន ៣រួចទៅហើយ គឺអំណាចនីតិបញ្ញត្តិ តំណាងរដ្ឋសភា និងព្រឹទ្ធសភា អំណាចនីតិប្រតិបត្តិ តំណាងរដ្ឋភិបាល និងអំណាចតុលាការ តំណាងសាលាជម្រះក្ដី ប៉ុន្តែយន្តការឧត្តមក្រុមប្រឹក្សាពិគ្រោះ និងផ្ដល់យោបល់ គឺជាយន្តការពហុបក្សក្រៅសភាដោយផ្ដល់នូវធាតុចូលរបស់ប្រតិភូគណបក្សដែលបានមើលឃើញលើវិស័យ ឬអនុវិស័យណាមួយ ដើម្បីដាក់ជូនរដ្ឋាភិបាលក្នុងន័យស្ថាបនា៕KhmerTimes
/unnamed.png
Post a Comment