ប្រធា​នាធិប​តីអ៊ុយក្រែនបាន​ប​ណ្តេញប្រធា​នក្រុ​មអង្គរក្ស

 ប្រធានាធិបតីអ៊ុយក្រែនលោកVolodymyrZelenskyបានបណ្តេញប្រធានទីភ្នាក់ងារដែលទទួលខុសត្រូវសម្រាប់ការការពារផ្ទាល់ខ្លួនបន្ទាប់ពីមន្រ្តីរបស់ខ្លួន២នាក់ត្រូវបានចាប់ខ្លួនដោយចោទប្រកាន់ពីបទរៀបចំផែនការធ្វើឃាត។

យោងតាមFrance24លោកZelenskyកាលពីថ្ងៃទី៩ខែឧសភាបានប្រកាសក្រឹត្យ "បណ្តេញលោក Sergiy Leonidovich Rud ចេញពីតំណែងជាប្រធានទីភ្នាក់ងារការពាររដ្ឋអ៊ុយក្រែន" ។ឯកសារដែលបានចេញផ្សាយមិនបានបញ្ជាក់ពីមូលហេតុនៃការបណ្តេញលោកRud ឬតែងតាំងអ្នកជំនួសតំណែងដ៏រសើបនេះទេ។ការប្រកាសខាងលើត្រូវបានធ្វើឡើងបន្ទាប់ពីទីភ្នាក់ងារសន្តិសុខSBU របស់អ៊ុយក្រែនបាននិយាយកាលពីដើមសប្តាហ៍នេះថាខ្លួនបានរារាំងផែនការរបស់រុស្ស៊ីដើម្បីធ្វើឃាតលោក Zelensky និងមន្ត្រីជាន់ខ្ពស់ផ្សេងទៀត។ SBUបានប្រកាសថាខ្លួនបានចាប់ខ្លួនវរសេនីយ៍ឯក២នាក់ពីនាយកដ្ឋានអង្គរក្សដោយសង្ស័យថាបានបញ្ជូនព័ត៌មានសម្ងាត់ទៅភ្នាក់ងារសន្តិសុខរុស្ស៊ី។យោងតាមSBUមនុស្សម្នាក់ក្នុងចំណោមមនុស្ស២នាក់ដែលត្រូវបានចាប់ខ្លួនដោយផ្ទាល់បានផ្តល់គ្រាប់រ៉ុក្កែតយន្តហោះគ្មានមនុស្សបើកនិងមីនប្រឆាំងមនុស្សដល់ភ្នាក់ងារដើម្បីអនុវត្តការវាយប្រហារ។លោក Rud អាយុ៤៧ឆ្នាំបានកាន់តំណែងជាប្រធានទីភ្នាក់ងារដែលត្រួតពិនិត្យសន្តិសុខផ្ទាល់ខ្លួនរបស់ប្រធានាធិបតីមន្ត្រីជាន់ខ្ពស់អ៊ុយក្រែននិងក្រុមគ្រួសាររបស់ពួកគេចាប់តាំងពីឆ្នាំ២០១៩។ប្រធានាធិបតីអ៊ុយក្រែនធ្លាប់បាននិយាយថា លោកគឺជាគោលដៅនៃការប៉ុនប៉ងធ្វើឃាតដែលបរាជ័យជាច្រើនលើកមកហើយ៕ពុតសាម៉ាត់