សេតវិ​​មា​នបាន​បង្ហាញព័ត៌​មាន​អំពីជំនួបរវាង​​លោកBidenនិងលោ​​កXi Jinpin​g

មន្ត្រីសេតវិមាននៅរសៀលថ្ងៃទី៣១ខែតុលា(ម៉ោងនៅទីក្រុងវ៉ាស៊ីនតោនឌីស៊ី)បាននិយាយថាប្រធានាធិបតីអាមេរិកលោក Joe Biden ត្រូវបានគេរំពឹងថានឹងជួបជាមួយប្រធានាធិបតីចិនXi Jinping នៅខាងក្រៅវេទិកាAPEC នាពេលខាងមុខ។កាសែត The Guardian បានដកស្រង់សម្តីរបស់លេខាធិការសារព័ត៌មានសេតវិមាន Karine Jean-Pierre ដែលបាននិយាយថារដ្ឋាភិបាលក្រុងវ៉ាស៊ីនតោន មានបំណងចង់ឱ្យមានកិច្ចសន្ទនាក្នុងន័យស្ថាបនារវាងមេដឹកនាំអាមេរិក និងចិន នៅក្នុងវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ដែលនឹងត្រូវធ្វើឡើងនៅក្នុងខែវិច្ឆិកា»។ នោះហើយជាអ្វីដែលនឹងកើតឡើងនៅក្នុងខែវិច្ឆិកា” លោកស្រី Jean-Pierre បាននិយាយ។មន្ត្រីជាន់ខ្ពស់អាមេរិកអនាមិកម្នាក់ ក្រោយមកបាននិយាយថាជាគោលការណ៍"មានកិច្ចព្រមព្រៀងមួយដើម្បីជួបនៅ San Francisco ក្នុងខែវិច្ឆិកា"។ បុគ្គលនេះបាននិយាយថា "យើងកំពុងធ្វើការលើព័ត៌មានលម្អិតសំខាន់ៗដើម្បីបញ្ចប់ផែនការទាំងនោះ"។

បច្ចុប្បន្ន​នេះ ភាគី​ចិន​មិន​បាន​ធ្វើ​អត្ថាធិប្បាយ​លើ​ការ​លើក​ឡើង​ខាង​លើ​របស់​មន្ត្រី​អាមេរិក​ទេ។

លោក Xi Jinping (ឆ្វេង)និងប្រធានាធិបតីអាមេរិក Biden បានជួបគ្នានៅខែវិច្ឆិកា ឆ្នាំ២០២២។ រូបថត៖ Reuters

យោងតាមកាសែត The Guardian ការថ្លែងខាងលើត្រូវបានធ្វើឡើងតែប៉ុន្មានថ្ងៃបន្ទាប់ពីរដ្ឋមន្ត្រីការបរទេសចិនលោក Wang Yi បានធ្វើទស្សនកិច្ចរយៈពេល៣ថ្ងៃនៅសហរដ្ឋអាមេរិក។ ខណៈពេលដែលចូលរួមក្នុងព្រឹត្តិការណ៍មួយនៅទីក្រុងវ៉ាស៊ីនតោនឌីស៊ីដែលរៀបចំដោយ Aspen Strategy Group លោក Wang បាននិយាយថាទាំងប្រទេសចិននិងសហរដ្ឋអាមេរិក "សង្ឃឹមថានឹងមានស្ថេរភាពនិងធ្វើឱ្យទំនាក់ទំនងទ្វេភាគីប្រសើរឡើងឱ្យបានឆាប់តាមដែលអាចធ្វើទៅបានហើយយល់ព្រមសហការឆ្ពោះទៅរកកិច្ចប្រជុំកំពូលនៅសាន់ហ្វ្រាន់ស៊ីស្កូរវាងប្រមុខរដ្ឋទាំង២»៕ពុតសាម៉ាត់