ឥឡូវនេះប្រាក់រៀលខ្មែរត្រូវបានទទួលយកសម្រាប់ប្តូរជាមួយរូបិយប័ណ្ណផ្សេងទៀតនៅបញ្ជរប្តូរប្រាក់Travelex ក្នុងអាកាសយានដ្ឋាន Changi ប្រទេសសិង្ហបុរី។នេះបើតាមការចេញផ្សាយរបស់AKP។នេះជាលើកទី១ហើយដែលប្រាក់រៀលអាចប្តូរបាននៅក្រៅប្រទេសកម្ពុជា។
 |
| រូបភាពធនាគារជាតិនៃកម្ពុជា។ |
Travel បានថ្លែងកាលពីដើមសប្តាហ៍នេះថា Travelex ដែលជាយីហោទីផ្សារប្តូរប្រាក់បរទេសឈានមុខ បានចាប់ដៃគូជាមួយធនាគារជាតិនៃកម្ពុជាដើម្បីចាប់ផ្តើមការជួញដូររូបិយប័ណ្ណជាតិរបស់កម្ពុជាគឺប្រាក់រៀលនៅអាកាសយានដ្ឋានChangi ប្រទេសសិង្ហបុរី។កិច្ចការនេះគឺជាលទ្ធផលនៃកិច្ចខិតខំប្រឹងប្រែងរបស់ធនាគារជាតិនៃកម្ពុជាក្នុងការលើកកម្ពស់ការប្រើប្រាស់រូបិយប័ណ្ណខ្មែរ។ វាក៏ជាសញ្ញានៃការកើនឡើងនៃការទទួលស្គាល់ជាអន្តរជាតិនៃប្រាក់រៀលកម្ពុជា។លោកស្រី ជា សិរី ទេសាភិបាលធនាគារជាតិនៃកម្ពុជា បានលើកឡើងថា ប្រាក់រៀលខ្មែរឥឡូវអាចរកបាននៅបញ្ជរ Travelex នៅអាកាសយានដ្ឋាន Changi T2 និង T3 ។ការទទួលយកប្រាក់រៀលនៅអាកាសយានដ្ឋាន Changi ត្រូវបានគេរំពឹងថានឹងធ្វើឱ្យមានភាពងាយស្រួលសម្រាប់អ្នកធ្វើដំណើរទៅ និងមកពីប្រទេសកម្ពុជាក្នុងការផ្លាស់ប្តូររូបិយប័ណ្ណរបស់ពួកគេ។ វាក៏នឹងជួយលើកកម្ពស់ការប្រើប្រាស់ប្រាក់រៀលក្នុងចំណោមភ្ញៀវទេសចរនិងអ្នកវិនិយោគផងដែរ។នេះគឺជាការអភិវឌ្ឍន៍ដ៏សំខាន់មួយសម្រាប់សេដ្ឋកិច្ចកម្ពុជានឹងជាការជំរុញដល់វិស័យទេសចរណ៍ និងការវិនិយោគរបស់ប្រទេសកម្ពុជាផងដែរ៕
/unnamed.png
Post a Comment