ព្រះ​ម​ហាក្សត្រថៃអ​នុម័តគណៈ​​រដ្ឋមន្ត្រីថ្មី

ព្រះមហាក្សត្រMahaVajiralongkornបានអនុម័តគណៈរដ្ឋមន្ត្រីថ្មីរបស់ប្រទេសថៃដែលក្នុងនោះនាយករដ្ឋមន្រ្តីលោកSrettha Thavisin នឹងកាន់តំណែងជារដ្ឋមន្ត្រីក្រសួងហិរញ្ញវត្ថុក្នុងពេលដំណាលគ្នា។

លោកSrettha Thavisinនៅ​ទីស្នាក់ការ​គណបក្ស​ភឿថៃ ក្នុង​ទីក្រុង​បាងកក កាល​ពី​ថ្ងៃ​ទី​២៣ ខែ​សីហា។ រូបថត៖ Reuters

សេចក្តីជូនដំណឹងពីរាជវង្សថៃនៅថ្ងៃនេះបាននិយាយថា "នាយករដ្ឋមន្ត្រីលោកSrettha Thavisin បានជ្រើសរើសគណៈរដ្ឋមន្ត្រីដែលមានសមត្ថភាពដើម្បីគ្រប់គ្រងប្រទេស។ ដូច្នេះហើយព្រះមហាក្សត្របានអនុម័តគណៈរដ្ឋមន្ត្រីថ្មី" ។គណៈរដ្ឋមន្ត្រី​ថ្មី​របស់​ប្រទេស​ថៃ ដឹកនាំ​ដោយ​លោក​នាយក​រដ្ឋមន្ត្រីSrettha ។ លោកSretthaនឹងកាន់តំណែងជារដ្ឋមន្ត្រីក្រសួងហិរញ្ញវត្ថុផងដែរ។ លោក Anutin Charnvirakul អតីតរដ្ឋមន្ត្រីក្រសួងសុខាភិបាល ត្រូវបានតែងតាំងជាឧបនាយករដ្ឋមន្ត្រី អគ្គស្នងការនគរបាលជាតិ លោក Patcharawat Wongsuwan ជារដ្ឋមន្ត្រីក្រសួងធនធានធម្មជាតិ និងបរិស្ថាន។អ្នក​វិភាគ​នយោបាយ​លោក Yuttaporn Issarachai បាន​និយាយ​ថា​ចំណាត់ការ​នេះ​បាន​បង្ហាញ​ថា​ប្រទេស​ថៃ​កាន់តែ​ខិត​ទៅ​ជិត​ការ​មាន​រដ្ឋាភិបាល​ថ្មី។ លោក Yuttaporn បាននិយាយថា "គណៈរដ្ឋមន្ត្រីថ្មីចាំបាច់ត្រូវស្បថថ្វាយព្រះចំពោះព្រះមហាក្សត្រ ហើយប្រកាសអំពីគោលនយោបាយរបស់ពួកគេនៅក្នុងសភា។ បន្ទាប់ពីនោះ គណៈរដ្ឋមន្ត្រីត្រូវបានចាត់ទុកថាមានមុខងារពេញលេញ" Yuttaporn បាននិយាយ។សេដ្ឋីអចលនទ្រព្យSretthaបេក្ខភាពគណបក្សភឿថៃកាលពីថ្ងៃទី២២ ខែសីហាបានទទួលសំឡេងគ្រប់គ្រាន់ក្នុងសភាហើយបានក្លាយជាមេដឹកនាំថ្មីរបស់ប្រទេសថៃ។ លោក Wissanu Krea-ngam ឧបនាយក​រដ្ឋមន្ត្រី​ដែល​ផុត​អាណត្តិ​បាន​ថ្លែង​ថា​ខុទ្ទកាល័យ​របស់​លោកSretthaអាច​ចាប់​ផ្តើម​ធ្វើ​ការ​នៅ​ពាក់​កណ្តាល​ខែ​កញ្ញា។មុននេះ លោកSretthaមានប្រសាសន៍ថា កិច្ចប្រជុំគណៈរដ្ឋមន្ត្រីលើកទី១ នឹងដោះស្រាយបញ្ហាថ្លៃរស់នៅ ដោយកាត់បន្ថយថ្លៃអគ្គិសនីនិងឧស្ម័ននិងការបន្ធូរបន្ថយច្បាប់ទិដ្ឋាការសម្រាប់ជនជាតិចិនដើម្បីជំរុញទេសចរណ៍៕ប្រភព Reuters