ចិននិ​ងវ៉េ​​​​​ណេស៊ុយអេឡាបង្កើនទំ​នាក់ទំនងទៅ​​ជាដៃគូយុទ្ធសា​ស្ត្រគ្រប់​កា​លៈ​​ទេសៈ

ប្រធានាធិបតីXi Jinping និងប្រធានាធិបតី Nicolas Maduro បានប្រកាសពីការបង្កើតភាពជាដៃគូយុទ្ធសាស្ត្រក្នុងក្របខ័ណ្ឌនៃដំណើរទស្សនកិច្ចរបស់មេដឹកនាំវេណេស៊ុយអេឡាទៅកាន់ប្រទេសចិន។លោក Xi បាននិយាយនៅក្នុងវីដេអូមួយដែលចេញផ្សាយដោយ CCTV នៅថ្ងៃទី១៣ខែកញ្ញាថា"ខ្ញុំមានសេចក្តីសោមនស្សរីករាយក្នុងការប្រកាសពីការធ្វើឱ្យប្រសើរឡើងនូវទំនាក់ទំនងចិន-វេណេហ្ស៊ុយអេឡាទៅជាភាពជាដៃគូយុទ្ធសាស្ត្រក្នុងគ្រប់កាលៈទេសៈទាំងអស់"។

លោកប្រធានាធិបតី Nicolás Maduro ជាមួយប្រធានាធិបតី Xi Jinping នាថ្ងៃទី១៣ខែកញ្ញាក្នុងក្របខ័ណ្ឌនៃដំណើរទស្សនកិច្ចជាផ្លូវការនៅប្រទេសចិន (រូបថត៖ El Espanol)។

សារព័ត៌មាន China Daily បានរាយការណ៍ថា ប្រធានាធិបតី Nicolas Maduro កំពុងបំពេញទស្សនកិច្ចផ្លូវរដ្ឋនៅប្រទេសចិនចាប់ពីថ្ងៃទី៨ ដល់ថ្ងៃទី ១៤ ខែកញ្ញា តាមការអញ្ជើញរបស់ប្រធានាធិបតី Xi Jinping ។មុនពេលទៅដល់ទីក្រុងប៉េកាំងនៅថ្ងៃទី១២ខែកញ្ញា លោក Maduro បានទៅដល់ទីក្រុងShenzhenដែលជាមជ្ឈមណ្ឌលបច្ចេកវិទ្យានៅភាគខាងត្បូងប្រទេសចិន នៅថ្ងៃទី៨ខែកញ្ញា។យោង​តាម AFP លោក Maduro កំពុង​បន្ត​ចូល​ជា​សមាជិក​ក្នុង​ប្លុក BRICS ដែល​ជា​ក្រុម​មាន​៥​ប្រទេស​ប្រេស៊ីល រុស្ស៊ី ឥណ្ឌា ចិន និង​អាហ្វ្រិក​ខាង​ត្បូង​សម្រាប់​ប្រទេស​វ៉េណេស៊ុយអេឡា។ ថ្មីៗនេះBRICSបានអញ្ជើញប្រទេសចំនួនប្រាំមួយបន្ថែមទៀត រួមមាន អាហ្សង់ទីន អេហ្ស៊ីប អ៊ីរ៉ង់ អេត្យូពី អារ៉ាប៊ីសាអូឌីត និងអារ៉ាប់រួម (UAE) ឱ្យចូលរួមក្នុងប្លុកនេះ។លោក Xi បានប្រាប់លោក Maduro ថា ប្រទេសចិន "នឹងតែងតែគាំទ្រយ៉ាងខ្លាំងដល់កិច្ចខិតខំប្រឹងប្រែងរបស់វេណេហ្ស៊ុយអេឡា ដើម្បីការពារអធិបតេយ្យភាពជាតិ សេចក្តីថ្លៃថ្នូរ និងស្ថិរភាពសង្គម ហើយគាំទ្រយ៉ាងមុតមាំចំពោះបុព្វហេតុតែមួយគត់របស់វេណេស៊ុយអេឡាក្នុងការទប់ទល់នឹងការជ្រៀតជ្រែករបស់បរទេស"។ប្រធានាធិបតី​ចិន​ក៏​បាន​បញ្ជាក់​ដែរ​ថា លោក​នឹង​ប្រឹងប្រែង​ធ្វើ​ឲ្យ​កិច្ចសហប្រតិបត្តិការ​កាន់តែ​ស៊ីជម្រៅ​រវាង​ប្រទេស​ទាំងពីរ។ក្នុងសន្និសីទសារព័ត៌មាននាថ្ងៃទី ៨ ខែកញ្ញា អ្នកនាំពាក្យក្រសួងការបរទេសចិន លោកស្រីMao Ning បានអះអាងថាចិននិងវេណេស៊ុយអេឡាគឺជាដៃគូយុទ្ធសាស្ត្រគ្រប់ជ្រុងជ្រោយហើយទំនាក់ទំនងទ្វេភាគីបានយកឈ្នះលើការសាកល្បងនៃការផ្លាស់ប្តូរក្នុងស្ថានភាពអន្តរជាតិ។លោកស្រី Mao Ningបានមានប្រសាសន៍ថា ដំណើររបស់លោក Maduro លើកនេះនឹងក្លាយជាឱកាសសម្រាប់ភាគីទាំង២ក្នុងការរួមចំណែកដល់សន្តិភាព និងស្ថិរភាពពិភពលោក និងរក្សាបាននូវភាពត្រឹមត្រូវ និងយុត្តិធម៌អន្តរជាតិ៕ប្រភពChina Daily, Xinhua, CCTV