កូរ៉េខា​ងជើង​​ចោទ​អាមេរិក​​​ថា​បាន​ជំរុញ​ជម្លោះ​អ៊ុយ​ក្រែន​ទៅ​ជា​"ម​ហន្តរាយ​នុយ​​ក្លេអ៊ែរ"

កូរ៉េខាងជើង​ចោទ​អាមេរិក​ថា​បាន​នាំ​ជម្លោះ​អ៊ុយក្រែន​ខិត​ទៅ​ជិត​មហន្តរាយ​នុយក្លេអ៊ែរ​ពិភពលោក​ដោយ​ផ្តល់​យន្តហោះ​ចម្បាំងF-16 ដល់​ក្រុង​គៀវ។

រដ្ឋមន្ត្រីការពារជាតិកូរ៉េខាងជើង លោក Kang Sun-nam ។ រូបថត៖ TASS

ទីភ្នាក់ងារសារព័ត៌មានរដ្ឋ RIA Novosti បានរាយការណ៍ថា "យើងបង្ហាញពីការគាំទ្រនិងសាមគ្គីភាពរបស់យើងសម្រាប់ការតស៊ូដើម្បីយុត្តិធម៌របស់ប្រជាជនរុស្ស៊ីក្នុងការការពារយុត្តិធម៌និងអធិបតេយ្យភាពអន្តរជាតិ ហើយនឹងធ្វើឱ្យចំណងមិត្តភាពរបស់យើងកាន់តែស៊ីជម្រៅជាមួយរុស្ស៊ី" ។ KCNA របស់កូរ៉េខាងជើងបានដកស្រង់សម្តីរដ្ឋមន្ត្រីការពារជាតិ Kang Sun-nam ដូចដែលបាននិយាយនៅថ្ងៃនេះ។ដោយសំដៅលើជម្លោះអ៊ុយក្រែន លោក Kang បាននិយាយថា សហរដ្ឋអាមេរិក"គួរតែទទួលខុសត្រូវចំពោះការរុញវិបត្តិដល់គែមនៃសង្រ្គាមនុយក្លេអ៊ែរ" នៅពេលផ្គត់ផ្គង់យន្តហោះចម្បាំង F-16 ដល់រដ្ឋាភិបាលរបស់ប្រធានាធិបតីអ៊ុយក្រែន Volodymyr Zelensky ។រុស្ស៊ី​ក៏​បាន​ធ្វើការ​ចោទ​ប្រកាន់​ស្រដៀង​គ្នា​នេះ​ដែរ។ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយកាលពីថ្ងៃទី៦ ខែមិថុនាថា ប្រទេសលោកខាងលិចកំពុងព្យាយាមបង្កើនអរិភាព ដោយសម្រេចចិត្តផ្ទេរយន្តហោះចម្បាំង F-16 ទៅកាន់អ៊ុយក្រែន។ លោកបានមានប្រសាសន៍ថា“យើងត្រូវតែចងចាំថានៅក្នុងគ្រួសារយន្តហោះចម្បាំង F-16 មានបំរែបំរួលដែលអាចផ្ទុកអាវុធនុយក្លេអ៊ែរបាន”។រដ្ឋមន្ត្រីការបរទេសអាមេរិក លោក Antony Blinken កាលពីថ្ងៃទី១៧ខែសីហា បានផ្ញើលិខិតមួយច្បាប់ទៅកាន់សមភាគីហូឡង់ និងដាណឺម៉ាក ដើម្បីធានាការយល់ព្រមពីទីក្រុងវ៉ាស៊ីនតោន លើសំណើផ្ទេរយន្តហោះចម្បាំង F-16 ដែលប្រទេសនេះផលិតទៅឱ្យអ៊ុយក្រែន។ប្រទេស​ដាណឺម៉ាក​និយាយ​ថា ខ្លួន​នឹង​ចែកចាយ​ចំនួន១៩ គ្រឿង ខណៈ​ប្រទេស​ហូឡង់​មិន​បាន​ប្រកាស​ចំនួន​នេះ​ទេ។ បច្ចុប្បន្ន​មិន​មាន​ការ​បង្ហាញ​ថា​យន្តហោះ​ចម្បាំង​ទាំង​នេះ​មាន​សមត្ថភាព​អាច​កាន់​អាវុធ​នុយក្លេអ៊ែរ​បាន​ទេ។លោក Kang ក៏​បាន​និយាយ​ដែរ​ថា ក្រុង​វ៉ាស៊ីនតោន​គ្មាន​សិទ្ធិ​រិះគន់​កិច្ចសហប្រតិបត្តិការ​យោធា​របស់​ក្រុង​ព្យុងយ៉ាង​ជាមួយ​នឹង​ក្រុង​ម៉ូស្គូ​ទេ។ លោកបាននិយាយថា “សហរដ្ឋអាមេរិកគ្មានសិទ្ធិអំណាចឬហេតុផលសីលធម៌ដើម្បីរិះគន់កិច្ចសហប្រតិបត្តិការការពារជាតិធម្មតារវាងរដ្ឋអធិបតេយ្យនោះទេ”។ទីក្រុង​ព្យុងយ៉ាង​បាន​ពង្រឹង​ទំនាក់ទំនង​ជាមួយ​ក្រុង​ម៉ូស្គូ។ កាល​ពី​ខែ​មុន កូរ៉េ​ខាង​ជើង​បាន​អញ្ជើញ​រដ្ឋមន្ត្រី​ការពារ​ជាតិ​រុស្ស៊ី​លោក Sergey Shoigu ទៅ​កាន់​ខួប​លើក​ទី ៧០ នៃ​ការ​បញ្ចប់​សង្គ្រាម​កូរ៉េ។ប្រទេសកូរ៉េខាងជើងបានរិះគន់ទីក្រុងវ៉ាស៊ីនតោនចំពោះការសម្រេចចិត្តរបស់ខ្លួនក្នុងការផ្គត់ផ្គង់គ្រាប់បែកចង្កោមដល់អ៊ុយក្រែន។ប៉ុន្តែបដិសេធការបញ្ជូនអាវុធទៅឱ្យរុស្ស៊ី ទោះបីជាមានការអះអាងគាំទ្រប្រទេសនេះក៏ដោយ៕ប្រភពReuters