បន្ទាប់ពីទទួលបានសុពលភាពកាលពីម្សិលមិញរដ្ឋសភាអាណត្តិទី៧ នៅព្រឹកថ្ងៃទី២២ ខែសីហានេះ បានបោះឆ្នោតផ្តល់សេចក្តីទុកចិត្តយ៉ាងពេញទំហឹងដល់សមាសភាពរដ្ឋាភិបាលថ្មីដែលដឹកនាំដោយលោកនាយករដ្ឋមន្ត្រី ហ៊ុន ម៉ាណែត កូនប្រុសច្បងអតីតនាយករដ្ឋមន្ត្រី ហ៊ុន សែន។ គណៈរដ្ឋមន្ត្រីថ្មីរបស់លោក ហ៊ុន ម៉ាណែត រួមមានឧបនាយករដ្ឋមន្ត្រី១០រូប ទេសរដ្ឋមន្ត្រី២១រូប និងរដ្ឋមន្ត្រី៣០រូប។គណៈរដ្ឋមន្ត្រីអាណត្តិទី៧ ដែលដឹកនាំដោយលោក ហ៊ុន ម៉ាណែតកូនប្រុសច្បងអតីតនាយករដ្ឋមន្ត្រី ហ៊ុន សែន ដែលត្រូវបានរដ្ឋសភាបោះឆ្នោតផ្តល់ការទុកចិត្តនោះ គឺមិនខុសគ្នានឹងបញ្ជីគណៈរដ្ឋមន្ត្រីដែលបានបែកធ្លាយកន្លងមកនោះទេ គឺចំនួន និងឈ្មោះឧបនាយករដ្ឋមន្ត្រីមាន១០រូបដដែល ដែលរួមមានលោក នេត សាវឿន លោក អូន ព័ន្ធមុនីរ័ត្ន លោក ស៊ុន ចាន់ថុល លោក ហង់ ជួនណារ៉ុន លោក សាយ សំអាល់ លោក ស សុខា លោក ទៀ សីហា លោក កើត រិទ្ធ លោក សុខ ចិន្តាសោភា និងលោក វង្សី វិស្សុត។
 |
|
រីឯទេសរដ្ឋមន្ត្រីវិញ គឺមានការផ្លាស់ប្តូរចំនួនលើសពីការគ្រោងទុក ដែលរួមមានលោក គន់ គីម លោក ហូ សិទ្ធី លោក អ៊ុក រ៉ាប៊ុន លោក ឱម យិនទៀង លោក អៀង មូលី លោក ពេជ សោភ័ន លោក ព្រុំ សុខា លោក សក់ សេដ្ឋា លោក អូស្មាន ហាស្សាន់ លោក លី ធុច លោក ឆែម គាតរិទ្ធី លោក អ៊ុច បូរិទ្ធ លោក កែវ រ៉េមី លោក ឈាង យ៉ាណារ៉ា លោក ស្វាយ ស៊ីថា លោក ថោង ខុន លោក អ៊ុក ប្រាថ្នា លោក ឆៃ ស៊ីណារិទ្ធ លោក សុក ស៊ីផាន់ណា លោក គី តិច និងលោក អ៊ី ឈាន។ដោយឡែករដ្ឋមន្ត្រីទាំង៣០រូបវិញ រួមមាន លោក វង្សី វិស្សុត រដ្ឋមន្ត្រីទីស្តីការគណៈរដ្ឋមន្ត្រី លោក ស សុខា កូនប្រុសលោក ស ខេង រដមន្ត្រីក្រសួងមហាផ្ទៃ លោក ទៀ សីហា កូនប្រុសលោក ទៀ បាញ់ រដ្ឋមន្ត្រីការពារជាតិ លោក សាយ សំអាល់ កូនប្រុសលោក សាយ ឈុំ ជារដ្ឋមន្ត្រីរៀបចំដែនដី នគរូបនីយកម្ម និងសំណង់ លោក ហ៊ុន ម៉ានី កូនប្រុសពៅលោក ហ៊ុន សែន ជារដ្ឋមន្ត្រីក្រសួងមុខងារសាធារណៈ លោក ជា សុមេធី កូនប្រុសលោក ជា ស៊ីម រដ្ឋមន្ត្រីសង្គមកិច្ច លោក សុខ ចិន្តាសោភា រដ្ឋមន្ត្រីការបរទេស លោក អូន ព័ន្ធមុនីរ័ត្ន រដ្ឋមន្ត្រីសេដ្ឋកិច្ច និងហិរញ្ញវត្ថុ លោក ឌិត ទីណា រដ្ឋមន្ត្រីកសិកម្ម លោក ឆាយ ឫទ្ធិសែន ជារដ្ឋមន្ត្រីអភិវឌ្ឍន៍ជនបទ លោកស្រី ចម និម្មល រដ្ឋមន្ត្រីពាណិជ្ជកម្ម លោក ហែម វណ្ណឌី រដ្ឋមន្ត្រីឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោក កែវ រតនៈ រដ្ឋមន្ត្រីរ៉ែ និងថាមពល លោក ប៊ិន ត្រឈៃ រដ្ឋមន្ត្រីក្រសួងផែនការ លោក ហង់ជួន ណារ៉ុន រដ្ឋមន្ត្រីក្រសួងអប់រំ លោក អ៊ាង សុផល្លែត រដ្ឋមន្ត្រីបរិស្ថាន លោក ថោ ជេដ្ឋា រដ្ឋមន្ត្រីធនធានទឹក និងឧត្តុនិយម លោក នេត្រ ភក្ត្រា រដ្ឋមន្ត្រីក្រសួងព័ត៌មាន លោក កើត រិទ្ធ រដ្ឋមន្ត្រីក្រសួងយុត្តិធម៌ លោក ហួត ហាក់ រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច លោក ជា វ៉ាន់ដេត រដ្ឋមន្ត្រីប្រៃសណីយ៍ លោក ឈាង រ៉ា ជារដ្ឋមន្ត្រីសុខាភិបាល លោក ប៉េង ពោធិ៍នា រដ្ឋមន្ត្រីក្រសួងសាធារណការ លោកស្រី ភឿង សកុណា រដ្ឋមន្ត្រីក្រសួងវប្បធម៌ លោក សុខ សូកេន រដ្ឋមន្ត្រីក្រសួងទេសចរណ៍ លោក ចាយ បូរិន រដ្ឋមន្ត្រីក្រសួងធម្មការ និងសាសនា លោកស្រី អ៊ឹង កន្ថាផាវី រដ្ឋមន្ត្រីកិច្ចការនារី លោក ហេង សួរ រដ្ឋមន្ត្រីក្រសួងការងារ លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល និងលោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន។សូមបញ្ជាក់ថាក្រៅពីកូនៗឥស្សរៈជនកំពូលៗរបស់គណបក្សប្រជាជន រដ្ឋមន្ត្រីក្មេងៗផ្សេងៗទៀត ក៏ជាកូន និងសាច់ញាតិយ៉ាងជិតស្និទ្ធរបស់ថ្នាក់ដឹកនាំគណបក្សកាន់អំណាចនេះដែរ៕RFI
/unnamed.png
Post a Comment