នីហ្សេ​ប​ណ្តេញឯកអ​​​គ្គរដ្ឋទូតបារាំ​ង​ចេញ

ក្រសួងការបរទេសនីហ្សេរីយ៉ាបានស្នើឱ្យឯកអគ្គរដ្ឋទូតItteចាកចេញពីប្រទេសក្នុងរយៈពេល៤៨ម៉ោងបន្ទាប់ពីអ្នកការទូតបារាំងបដិសេធមិនឆ្លើយតបនឹងការអញ្ជើញឱ្យចូលរួមកិច្ចប្រជុំ។នៅក្នុងសេចក្តីថ្លែងការណ៍មួយកាលពីថ្ងៃទី ២៥ខែសីហា ក្រសួងការបរទេសនីហ្សេបាននិយាយថា រដ្ឋាភិបាលបានដកការសម្រេចចិត្តរបស់ខ្លួនក្នុងការទទួលស្គាល់ឯកអគ្គរដ្ឋទូតបារាំងSylvain Itte ។ 

មេដឹកនាំ​យោធា​ក្នុង​ប្រទេសនីហ្សេជួប​ជាមួយ​អ្នក​គាំទ្រ​រដ្ឋប្រហារ​នៅ​កីឡដ្ឋាន Niamey កាល​ពី​ថ្ងៃ​ទី​៦ ខែ​សីហា។ រូបថត៖ AFP 

ការសម្រេចចិត្តនេះត្រូវបានធ្វើឡើងបន្ទាប់ពីឯកអគ្គរដ្ឋទូត Itte "បដិសេធមិនឆ្លើយតប"ចំពោះការអញ្ជើញចូលរួមកិច្ចប្រជុំរបស់រដ្ឋមន្ត្រីការបរទេសនីហ្សេក៏ដូចជា"សកម្មភាពផ្សេងទៀតរបស់រដ្ឋាភិបាលបារាំងដែលផ្ទុយនឹងផលប្រយោជន៍របស់នីហ្សេ"។អាជ្ញាធរនីហ្សេបានទុកពេល៤៨ ម៉ោងឱ្យឯកអគ្គរដ្ឋទូត Itte ចាកចេញពីប្រទេស។ ក្រសួងការបរទេសបារាំង ក្រោយមកបាននិយាយថាខ្លួនមិនទទួលយកដីកាបណ្តេញចេញទេ ដោយអះអាងថារបបយោធានីហ្សេគ្មានសិទ្ធិអំណាចក្នុងការស្នើសុំរឿងនេះទេ ហើយថា “មានតែរដ្ឋាភិបាលជាប់ឆ្នោតស្របច្បាប់ទេ ទើបមានសិទ្ធិទទួលស្គាល់ឯកអគ្គរដ្ឋទូត”។ការសម្រេចចិត្តបណ្តេញចេញ ធ្វើឡើងបន្ទាប់ពីមន្ត្រីនីហ្សេ រិះគន់បារាំងម្តងហើយម្តងទៀត ដោយចោទប្រកាន់ទីក្រុងប៉ារីសថាចង់ធ្វើអន្តរាគមន៍ផ្នែកយោធាក្នុងប្រទេស ដើម្បីស្តារអំណាចឡើងវិញ ដល់ប្រធានាធិបតីដែលត្រូវបានបណ្តេញចេញ លោក Mohamed Bazoum។ របប​យោធា​នីហ្សេ​ក៏​អះអាង​ថា បារាំង​ត្រួតត្រា​សហគមន៍​សេដ្ឋកិច្ច​នៃ​រដ្ឋ​អាហ្វ្រិក​ខាងលិច (ECOWAS)។កងទ័ពនីហ្សេនៅថ្ងៃទី២៦ ខែកក្កដាបានផ្តួលរំលំលោក Bazoum និងបានបង្កើតរបបយោធាបណ្តោះអាសន្ន។ លោក Bazoum ត្រូវ​បាន​ឃុំ​ខ្លួន​ក្នុង​ផ្ទះ ហើយ​មិន​បាន​បង្ហាញ​ខ្លួន​ជា​សាធារណៈ​អស់​រយៈពេល​ជាង​កន្លះ​ខែ​មក​ហើយ។ សម្ព័ន្ធមិត្តមួយចំនួនបាននិយាយថា លោក Bazoum ត្រូវបានផ្តល់ការសួរសុខទុក្ខពីវេជ្ជបណ្ឌិតនិងការផ្គត់ផ្គង់អាហារ។ECOWASបានប្រឆាំងនឹងរដ្ឋប្រហារបានដាក់ទណ្ឌកម្មសេដ្ឋកិច្ចជាបន្តបន្ទាប់ និងបានបិទចរាចរណ៍លើប្រទេសនីហ្សេនិងបានធ្វើឱ្យកម្លាំងឈរជើង ដើម្បីរៀបចំសម្រាប់សេណារីយ៉ូអន្តរាគមន៍យោធា។ប្រទេសបារាំងបាននិយាយថា ខ្លួនបានគាំទ្រកិច្ចខិតខំប្រឹងប្រែងរបស់ ECOWAS យ៉ាងម៉ឺងម៉ាត់ និងរឹងមាំ ក្នុងការស្តារឡើងវិញ។ប្រទេសបារាំងក៏បានអំពាវនាវម្តងហើយម្តងទៀតឱ្យរបបយោធានីហ្សេដោះលែងលោកBazoumដោយសម្តែងការព្រួយបារម្ភអំពីស្ថានភាពរបស់អ្នកនយោបាយនេះ។រដ្ឋាភិបាលបារាំងមិនទទួលស្គាល់ការសម្រេចចិត្តឯកតោភាគីរបស់រដ្ឋាភិបាលយោធានៅនីហ្សេនៅដើមខែសីហាដើម្បីលុបចោលកិច្ចព្រមព្រៀងសហប្រតិបត្តិការជាមួយកងទ័ពបារាំងទេ ដោយថែមទាំងលើកហេតុផលថាមានតែរដ្ឋាភិបាលជាប់ឆ្នោតនៅនីហ្សេទេដែលមានសិទ្ធិគ្រប់គ្រងទំនាក់ទំនងទ្វេភាគី។ទាហាន​បារាំង​ប្រហែល​១.៥០០​នាក់​កំពុង​ឈរជើង​ក្នុង​ប្រទេស​នីហ្សេដើម្បី​ជួយ​ប្រទេស​នេះ​ដោះស្រាយ​ជាមួយ​ក្រុម​អ៊ីស្លាម​ជ្រុលនិយម៕ប្រភពAFP