របាយការណ៍របស់អគ្គនាយកដ្ឋានគយ និងរដ្ឋាករបានបង្ហាញកាលពីថ្ងៃសុក្រថាប្រទេសកម្ពុជាបាននាំចេញទំនិញមានតម្លៃ ១៣,៥២៥ ប៊ីលានដុល្លារទៅកាន់ទីផ្សារអន្តរជាតិក្នុងអំឡុងខែមករាដល់ខែកក្កដា ឆ្នាំ២០២៣ ធ្លាក់ចុះ ២ភាគរយ ធៀបនឹងរយៈពេលមួយឆ្នាំ។
 |
| រូបភាពAKP/KhmerTimes |
គោលដៅនាំចេញកំពូលទាំង៣របស់កម្ពុជា មានដូចជា សហរដ្ឋអាមេរិក មានតម្លៃ ៥,១៧៨ពាន់លានដុល្លារ វៀតណាមមានតម្លៃ ១,៥៩៩ពាន់លានដុល្លារ និងចិន មានតម្លៃ ៨១៤លានដុល្លារ។ផលិតផលសំខាន់ៗដែលកម្ពុជានាំចេញរួមមានសម្លៀកបំពាក់ ស្បែកជើង ផលិតផលធ្វើដំណើរ កង់ និងទំនិញកសិកម្មមួយចំនួនដូចជា អង្ករ កៅស៊ូ ដំឡូងមី ចេក និងស្វាយ។របាយការណ៍បានបញ្ជាក់ថា ព្រះរាជាណាចក្រកម្ពុជាបាននាំចេញផលិតផលសម្លៀកបំពាក់ ស្បែកជើង និងផលិតផលធ្វើដំណើរ ដែលមានតម្លៃសរុបចំនួន ៦,៣៦ ប៊ីលានដុល្លារអាមេរិក ក្នុងអំឡុងពេលនោះ ធ្លាក់ចុះ ២០,៤ ភាគរយពីចំនួន ៧,៩៩ ប៊ីលានដុល្លារក្នុងរយៈពេលដូចគ្នាកាលពីឆ្នាំមុន។ឧស្សាហកម្មកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ គឺជាវិស័យដែលរកចំណូលបានពីបរទេសច្រើនជាងគេសម្រាប់កម្ពុជា។ វិស័យនេះមានរោងចក្រ និងសាខាប្រហែល ១,៣០០ ដែលផ្តល់ការងារដល់កម្មករប្រហែល ៨៤០,០០០នាក់ ដែលភាគច្រើនជាស្ត្រី។រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ មានប្រសាសន៍ថា សង្រ្គាមអ៊ុយក្រែនបានបង្កជាវិបត្តិជាប្រព័ន្ធដល់កំណើនសេដ្ឋកិច្ចសកល ដែលធ្វើឲ្យការចំណាយរបស់អ្នកប្រើប្រាស់មានកម្រិតនៅជុំវិញពិភពលោក។ កត្តានេះនាំឱ្យការបញ្ជាទិញនៅកម្ពុជាធ្លាក់ចុះ។លោកបន្តថា៖ «ប្រទេសកម្ពុជាបន្តទទួលបានការបញ្ជាទិញដែលផ្តល់ក្តីសង្ឃឹមថាការនាំចេញនឹងកើនឡើងនៅចុងឆ្នាំនេះ»។ទន្ទឹមនឹងនេះដែរ ការនាំចូលរបស់ព្រះរាជាណាចក្រកម្ពុជាបានធ្លាក់ចុះ ២៥ភាគរយមកនៅត្រឹម ១៤,១៧៤៥លានដុល្លារ៕AKP/KhmerTimes
/unnamed.png
Post a Comment