រុស្ស៊ី​ប​ញ្ជា​​​ក់​ថាការ“​កា​រចុះចាញ់”តែមួយ​គ​​ត់សម្រា​ប់​​សន្តិភា​ព​​​នៅ​អ៊ុយ​ក្រែន

អនុប្រធានក្រុមប្រឹក្សាសន្តិសុខរុស្ស៊ីលោក Dmitry Medvedev  បាននិយាយថា“ការចុះចាញ់”គឺជាមធ្យោបាយតែមួយគត់សម្រាប់អ៊ុយក្រែន ក្នុងការសម្រេចបានសន្តិភាពចំពេលមានការរីកចម្រើនយឺតយ៉ាវនៃការវាយប្រហារតបតរបស់ទីក្រុងគៀវ។"អ្នកដែលកំពុងរងទុក្ខវេទនានៅក្រោមលេណដ្ឋានពិតជាគ្រាន់តែត្រូវចុះចាញ់ដើម្បីត្រួសត្រាយផ្លូវទៅរកសន្តិភាព។ ទោះបីជាយ៉ាងណាក៏ដោយទាំងក្រុងគៀវនិងទីក្រុងវ៉ាស៊ីនតោនមិនចង់បានរឿងនេះទេ" លោក Dmitry Medvedev អនុប្រធានក្រុមប្រឹក្សាសន្តិសុខរុស្ស៊ីបាននិយាយកាលពីថ្ងៃទី១១ខែសីហា។

អនុប្រធានក្រុមប្រឹក្សាសន្តិសុខរុស្ស៊ីលោក Dmitry Medvedev ។TASS

លោកMedvedevក៏បាននិយាយផងដែរថាប្រតិបត្តិការវាយលុករបស់អ៊ុយក្រែនបានបរាជ័យហើយថាការបន្តគាំទ្រយោធារបស់ណាតូសម្រាប់អ៊ុយក្រែនគឺឥតប្រយោជន៍។អ៊ុយក្រែន​មិន​ទាន់​ធ្វើ​អត្ថាធិប្បាយ​លើ​សេចក្តី​ថ្លែងការណ៍​របស់​លោក Medvedev ទេ។

អ៊ុយក្រែនបានចាប់ផ្តើមវាយបកតាំងពីដើមខែមិថុនាមកម្ល៉េះ។ក្រសួងការពារជាតិរុស្ស៊ីនាពេលថ្មីៗនេះបាននិយាយថាអ៊ុយក្រែនបានរងការខាតបង់យ៉ាងធ្ងន់ធ្ងរបន្ទាប់ពីប្រតិបត្តិការវាយលុកមិនបានសម្រេច។ក្រសួងការពារជាតិរុស្ស៊ីបាននិយាយកាលពីថ្ងៃទី៤ខែសីហាថា"ចាប់តាំងពីការចាប់ផ្តើមប្រតិបត្តិការវាយលុកមកកងកម្លាំងប្រដាប់អាវុធអ៊ុយក្រែនបានបាត់បង់ទាហានជាង ៤៣,000នាក់នៅក្នុងខែមិថុនានិងខែកក្កដា"។ក្រសួងការពារជាតិរុស្ស៊ីក៏បាននិយាយផងដែរថា សម្ភារៈយោធាអ៊ុយក្រែនរហូតដល់ទៅ៤,៩00 ផ្សេងៗគ្នាត្រូវបានបំផ្លាញចាប់តាំងពីប្រតិបត្តិការប្រឆាំងបានចាប់ផ្តើម។ រថក្រោះប្រយុទ្ធសំខាន់ Leopard ផលិតដោយអាល្លឺម៉ង់ចំនួន២៥ គ្រឿង រថក្រោះធុនស្រាល AMX-10 RC ផលិតដោយបារាំងចំនួន៧គ្រឿង និងរថយន្តប្រយុទ្ធថ្មើរជើងBradleyផលិតដោយអាមេរិកចំនួន២១គ្រឿងត្រូវបានបំផ្លាញ។ប្រធានាធិបតីរុស្ស៊ី លោកVladimir Putinបាននិយាយកាលពីខែកក្កដាថាអ៊ុយក្រែនបានបាត់បង់ "ទាហានរាប់ម៉ឺននាក់"នៅក្នុងការវាយលុកដែលមិនបានសម្រេចដែលលោកបានហៅថា "ការវាយប្រហារអត្តឃាត"លើទីតាំងការពាររបស់រុស្ស៊ី។ លោក Putin ក៏​បាន​និយាយ​ដែរ​ថាអ៊ុយក្រែន​កំពុង​ខ្វះកម្លាំងប្រយុទ្ធ៕ប្រភព Newsweek